ବନ୍ଧୁକ ଦେଖାଇ ଖଣ୍ଡାରେ ହାଣି ସାଢେ ୪ ଲକ୍ଷ ଲୁଟ୍

କେନ୍ଦୁଝର : ବନ୍ଧୁକ ଦେଖାଇ ଖଣ୍ଡାରେ ହାଣି ଲୁଟିଲେ ଦୁର୍ବୃତ୍ତ । ତୁରୁମୁଙ୍ଗା ଥାନା ଡାବରଚୁଆରେ ଘଟିଛି ଏଭଳି ଘଟଣା । ଜଣେ ଗୋରୁ ବେପାରୀଙ୍କଠାରୁ ସାଢେ ୪ ଲକ୍ଷ ଲୁଟି ନେଇଥିବା ଅଭିଯୋଗ ହୋଇଛି । ସମ୍ପୃକ୍ତ ବ୍ୟବସାୟୀ ଜଣକ ବେପାର ସାରି ଘରକୁ ଫେରୁଥିବାବେଳେ ଲୁଟର ଶିକାର ହୋଇଛନ୍ତି । ୨ଟି ପଲସରରେ ୫ ଦୁର୍ବୃତ୍ତ ଆସି ତାଙ୍କୁ ବନ୍ଧୁକ ଦେଖାଇବା ସହ ଖଣ୍ଡାରେ ଆକ୍ରମଣ କରି ତାଙ୍କ ପାଖରେ ଥିବା ସାଢେ ୪ ଲକ୍ଷ ଟଙ୍କା ଲୁଟିନେଇଯାଇଥିବା ସେ ଥାନାରେ ଅଭିଯୋଗ କରିଛନ୍ତି । ଅଭିଯୋଗ ଆଧାରରେ ଖୋଳତାଡ କରୁଛି ପୁଲିସ ।