ଭୁବନେଶ୍ବର : ଖେଲୋ ଇଣ୍ଡିଆ ବିଶ୍ବବିଦ୍ୟାଳୟ କ୍ରୀଡ଼ାର ପ୍ରଥମ ସଂସ୍କରଣର ୬ଷ୍ଠ ଦିନରେ ଓଡ଼ିଶା ପଦକ ଖାତା ଖୋଲିଛି। କିଟ୍ ବିଶ୍ବବିଦ୍ୟାଳୟକୁ ବୁଧବାର ଗୋଟିଏ ସ୍ବର୍ଣ୍ଣ, ଗୋଟିଏ ରୌପ୍ୟ ଓ ବ୍ରୋଞ୍ଜ ପଦକ ମିିଳିଛିି। ପୁରୁଷ ତୀରନ୍ଦାଜୀ ରିକର୍ଭ ବ୍ୟକ୍ତିଗତ ରାଉଣ୍ଡରେ କିଟ୍ ବିଶ୍ବବିଦ୍ୟାଳୟର ଛାତ୍ର ରଞ୍ଜିତ ନାୟକ ୨ୟ ସ୍ଥାନ ସହ ରୌପ୍ୟ ପଦକ ଜିତିଛନ୍ତି।
ସେହିପରି ଦଳଗତ ରିକର୍ଭ ରାଉଣ୍ଡରେ ରଞ୍ଜିତ, ସୂର୍ଯ୍ୟମଣି ମାଝି ଓ ଶ୍ରବଣ ମାଡ଼ାଙ୍ଗୀ ପ୍ରଥମ ସ୍ଥାନ ସହ ସ୍ବର୍ଣ୍ଣ ପଦକ ବିଜୟୀ ହୋଇଛନ୍ତି। ବୁଧବାର କିଟ୍ ତୀରନ୍ଦାଜୀ ଗ୍ରାଉଣ୍ଡରେ ଖେଳା ଯାଇଥିବା ଫାଇନାଲ ମ୍ୟାଚରେ ଓଡ଼ିଶା ପାଇଁ ପଦକ ଜିତିବା ନେଇ ରଞ୍ଜିତ, ସୂର୍ଯ୍ୟମଣି ଓ ଶ୍ରବଣଙ୍କ ଉପରେ ସମସ୍ତଙ୍କ ନଜର ରହିଥିଲା। ରଞ୍ଜିତ, ଶ୍ରବଣ ଓ ସୂର୍ଯ୍ୟମଣି ପ୍ରଥମେ ଦଳଗତ ବିଭାଗରେ ସ୍ବର୍ଣ୍ଣ ପଦକ ବିଜୟୀ ହୋଇଥିଲେ। ବ୍ୟକ୍ତିଗତ ରିକର୍ଭରେ ରଣଜିତ ଉତ୍ତମ ପ୍ରଦର୍ଶନ କରିିଥିଲେ ମଧ୍ୟ ଅଳ୍ପକେ ସ୍ବର୍ଣ୍ଣ ପଦକରୁ ବଞ୍ଚିତ ହୋଇଥିଲେ। ଓଡ଼ିଶା ପ୍ରତିଯୋଗିତାରେ ଏପର୍ଯ୍ୟନ୍ତ ପଦକ ହାସଲ କରିବାରେ ସକ୍ଷମ ହୋଇ ନଥିବା ବେଳେ ରଞ୍ଜିତ, ଶ୍ରବଣ ଓ ସୂର୍ଯ୍ୟଙ୍କ ସଫଳତା ରାଜ୍ୟ ଓ କିଟ୍ ପାଇଁ ସମ୍ମାନ ଆଣିଛି। ସେହିପରି ଭାରୋତ୍ତୋଳନରେ କିଟ୍ ବିଶ୍ବବିଦ୍ୟାଳୟ ମଧ୍ୟ ପଛରେ ପଡ଼ିନାହିଁ। ପୁରୁଷ ୫୫ କିଗ୍ରା ବର୍ଗରେ କିଟ୍ର ଛାତ୍ର କୁମ୍ଭେଶ୍ବର ମଲ୍ଲିକ ବ୍ରୋଞ୍ଜ ପଦକ ବିଜୟୀ ହୋଇଛନ୍ତି। ସେ ସ୍ନାଚ୍ରେ ୮୬ ଓ କ୍ଲିନ୍ ଏଣ୍ଡ୍ ଜର୍କରେ ୧୧୮ କିଗ୍ରା ସହ ମୋଟ ୨୦୪ କିଗ୍ରା ଭାରୋତ୍ତୋଳନ କରି ୩ୟ ସ୍ଥାନ ହାସଲ କରିଥିଲେ। ଏହି ସଫଳତା ଲାଗି ଶ୍ରବଣ, ସୂର୍ଯ୍ୟମଣି, ରଞ୍ଜିତ ଓ କୁମ୍ଭେଶ୍ବରଙ୍କୁ କିଟ୍ ଓ କିସ୍ର ପ୍ରତିଷ୍ଠାତା ତଥା ସାଂସଦ ଡ. ଅଚ୍ୟୁତ ସାମନ୍ତ, କ୍ରୀଡ଼ା ନିର୍ଦେଶକ ଡ. ଗଗନେନ୍ଦୁ ଦାଶ ପ୍ରମୁଖ ଶୁଭେଚ୍ଛା ଜଣାଇଛନ୍ତି।
ଖାତା ଖୋଲିଲା ଓଡ଼ିଶା: କିଟ୍କୁ ସ୍ବର୍ଣ୍ଣ, ରୌପ୍ୟ ଓ ବ୍ରୋଞ୍ଜ୍
Popular Categories
Previous article
Next article