ମୁମ୍ବଇ: ସଲମାନ ଖାନ, କ୍ୟାଟ୍ରିନା କୈଫ ଅଭିନୀତ ‘ଟାଇଗର ୩’ର ଦମ୍ଦାର ପ୍ରଦର୍ଶନ ଜାରି ରହିଛି। ‘ଟାଇଗର ୩’ ବିଶ୍ୱବ୍ୟାପୀ ୪୦୦ କୋଟି କ୍ଲବରେ ସାମିଲ ହୋଇଛି। ଫିଲ୍ମକୁ ମିଳୁଥିବା ଭଲପାଇବାକୁ ନେଇ କ୍ୟାଟ୍ରିନା ପ୍ରତିକ୍ରିୟା ଦେଇଛନ୍ତି। ଅଭିନେତ୍ରୀ କହିଛନ୍ତି, ‘‘ଟାଇଗର ଫ୍ରାଞ୍ଚାଇଜି ମୋତେ ୨୦୧୨ରୁ ଭଲପାଇବା ଦେଉଛି। ଏକ ଦଶନ୍ଧିରୁ ଅଧିକ ସମୟ ଧରି ଏହି ଚଳଚ୍ଚିତ୍ରକୁ ମିଳୁଥିବା ଭଲପାଇବାରେ ମୁଁ ଅଭିଭୂତ। ଏକ ଥା ଟାଇଗର, ଟାଇଗର ଜିନ୍ଦା ହେ ଆଉ ଏବେ ଟାଇଗର ୩, ଏହି ଫିଲ୍ମଗୁଡ଼ିକ ମୋ ସିନେମା ଯାତ୍ରାର ଏକ ଅଂଶ। ଏଥିସହ ଜଣେ କଳାକାର ଭାବେ ମୋ ବିକାଶର ମଧ୍ୟ ଏକ ଅଂଶ। ଏହି ଫିଲ୍ମଗୁଡ଼ିକ ମୋତେ ବହୁତ ପସନ୍ଦ’’।
କ୍ୟାଟ୍ରିନା ଆହୁରି କହିଛନ୍ତି, ଏହା ହେଉଛି ଏକ ସଫଳ ଫ୍ରାଞ୍ଚାଇଜି, ଯାହା ଆମକୁ ଆମ ଚରିତ୍ରଗୁଡିକୁ ପୁନର୍ବାର ପ୍ରଦର୍ଶନ କରିବାର ସୁଯୋଗ ଦେଇଛି.. ଏହା ଏପରି ଚଳଚ୍ଚିତ୍ର ଯାହାକୁ ମୁଁ ନିଜ କ୍ୟାରିୟରରେ କରି ନିଜକୁ ଭାଗ୍ୟଶାଳୀ ମନେ କରୁଛି। ସେ କହିଛନ୍ତି, ଟାଇଗର ଫ୍ରାଞ୍ଚାଇଜିର ପ୍ରତ୍ୟେକ ଚଳଚ୍ଚିତ୍ର ମୋ ପାଇଁ ମାନସିକ ଏବଂ ଶାରୀରିକ ସ୍ତରରେ ଆହ୍ବାନମୂଳକ ଥିଲା। କ୍ୟାଟ୍ରିନା ଆହୁରି କହିଛନ୍ତି, ‘ଲୋକଙ୍କ ଭଲପାଇବା ଏବଂ ପ୍ରଶଂସା ସଲମାନ, ମୋତେ ଏବଂ ୱାଇଆରଏଫଙ୍କୁ ଏହି ଫ୍ରାଞ୍ଚାଇଜି ସହିତ ଲୋକଙ୍କ ମନୋରଞ୍ଜନ ଜାରି ରଖିବାକୁ ଉତ୍ସାହିତ କରିଛି।
Comments are closed.