କଣ୍ଟାବାଞ୍ଜି: ସମଗ୍ର ଦେଶରେ ରବିବାର ଦୀପାବଳି ବଡ ହର୍ଷ ଉଲ୍ଲାସ ସହ ପାଳନ କରାଯାଇଛି। କଣ୍ଟାବାଞ୍ଜି ସହରରେ ମଧ୍ୟ ଦୀପାବଳି ଉତ୍ସବ ବେଶ୍ ଧୁମଧାମରେ ପାଳନ କରାଯାଇଛି। କିନ୍ତୁ ଏହି ହର୍ଷୋଲ୍ଲାସ ସମୟରେ ୱାର୍ଡ ନମ୍ବର ୮, ଗହନ୍ତିଆପଡ଼ାରେ ଜଣେ ଫୁଲ ବିକାଳୀ ଦୋକାନରେ ନିଆଁ ଲାଗିଯାଇଥିଲା।
ସୂଚନା ଅନୁସାରେ, ଦୋକାନରେ ସର୍ଟ ସର୍କିଟରୁ ନିଆଁ ଲାଗି ଯାଇଥିବା ଅନୁମାନ କରାଯାଉଛି। ଦୋକାନରେ ନିଆଁ ଲାଗିବା କ୍ଷଣି ଅଗ୍ନିଶମ ବିଭାଗକୁ ସୂଚନା ଦିଆଯାଇଥିଲା। ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ। ଏହି ଘଟଣାରେ ପ୍ରାୟ ୧ଲକ୍ଷ ଟଙ୍କାର କ୍ଷୟକ୍ଷତି ହୋଇଥିବା ଅନୁମାନ କରାଯାଉଛି। ଅଗ୍ନିଶମ ବାହିନୀ ଠିକ୍ ସମୟରେ ପହଞ୍ଚି ନିଆଁ ଉପରେ ଆୟତ୍ତ କରିବାରୁ ବଡ ଅଘଟଣକୁ ଟାଳି ଦିଆଯାଇଛି।
