କଲ୍ୟାଣସିଂହପୁର : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ଧାମୁଣିପଙ୍ଗା ଗ୍ରାମ ପଞ୍ଚାୟତ କତାଗୁଡା ଗ୍ରାମ ରାସ୍ତାର ଅବସ୍ଥା ଶୋଚନୀୟ ହୋଇପଡିଛି। କତାଗୁଡା ଗ୍ରାମର ମାଟିଆ ସାହି ଠାରୁ ଆଦିବାସୀ ସାହିକୁ ସଂଯୋଗ ହୋଇଥିବା ରାସ୍ତା ଆଜକୁ ଅନେକ ବର୍ଷ ହେଲା ମାଟି ରାସ୍ତାରେ ପଡି ରହିଥିବା ଦେଖିବାକୁ ମିଳୁଛି। ବର୍ତ୍ତମାନ ବର୍ଷା ଦିନ ହୋଇଥିବାରୁ ବର୍ଷା ଜଳରେ କାଦୁଅ ପଚପଚ ହେଉଛି।
ବଙ୍ଗୋପସାଗରରେ ସୃଷ୍ଟି ହେଲା ଆଉ ଏକ ଲଘୁଚାପ ; ଏସବୁ ଜିଲାରେ ବର୍ଷିବ..
ଫଳରେ ଗ୍ରାମରୁ ଛାତ୍ରଛାତ୍ରୀ ମାନେ ସ୍କୁଲ କଲେଜକୁ ଯିବା ଆସିବା ନିମନ୍ତେ ବହୁ ଅସୁବିଧାର ସମ୍ମୁଖିନ ହେଉଥିବା ଦେଖିବାକୁ ମିଳୁଛି। ଗ୍ରାମକୁ ଦୁଇ ଚକିଆ ଯାନ କି ଚାରିଚକିଆ ଯାନ ଓ ଟ୍ରାକ୍ଟର ଗଲେ ରାସ୍ତାର ଅବସ୍ଥା ବେହାଲ ହୋଇପଡୁଛି। ଏହି ରାସ୍ତାକୁ ନେଇ କତାଗୁଡା ଗ୍ରାମରୁ ବଳରାମ କୌଶଲ୍ୟା, ପବିତ୍ର ପାଲାକା, ସୁଦର୍ଶନ ଖାଡିଆ, ଲେଲି କାନ୍ଧପାଣି ଭଳି ପ୍ରମୁଖ ବ୍ୟକ୍ତି ବିଶେଷ ପଞ୍ଚାୟତ ଠାରୁ ବ୍ଲକ ପର୍ଯ୍ୟନ୍ତ ବାରମ୍ବାର ଅଭିଯୋଗ କରି ଆସୁଥିଲେ ସୁଦ୍ଧା ଆଶ୍ୱାସନା ଛଡା କୌଣସି ପ୍ରକାର ସୁଫଳ ମିଳି ପାରୁନାହିଁ ବୋଲି କହିଛନ୍ତି। ଏଣୁ ଏହି ରାସ୍ତା ପ୍ରତି ପଞ୍ଚାୟତ କିମ୍ବା ବ୍ଲକ ପ୍ରଶାସନ ତୁରନ୍ତ ଦୃଷ୍ଟି ଦେଇ କାର୍ଯ୍ୟ କରିବା ନିମନ୍ତେ ଅଞ୍ଚଳର ଯୁବ ଗୋଷ୍ଠି ଓ ବୁଦ୍ଧିଯିବି ମହଲରେ ଚର୍ଚ୍ଚାର ବିଷୟ ପାଲଟିଛି।
