କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ସିକରପାଇ ପଞ୍ଚାୟତର ଲକ୍ଷ୍ମୀନଗର ନିକଟରେ ଟିପର ସହ ବାଇକ ଧକ୍କାରେ ଗଜେନ୍ଦ୍ର ମାଝୀ ମୃତ୍ୟୁ ହୋଇଥିବା ବେଳେ ଦୁଇ ଗୁରୁତର । ରାୟଗଡ଼ାଠାରୁ ଏକ ଟିପରରେ ଚିପସ ବୋଝେଇ କରି କଲ୍ୟାଣସିଂହପୁର ଅଭିମୁଖେ ଆସୁଥିବା ବେଳେ ଅନ୍ୟ ପାର୍ଶ୍ୱ ବା କଲ୍ୟାଣସିଂହପୁର ଦେଇ ଓଡ଼ି ୦୮ ବି ୩୫୪୧ ନମ୍ବର ଏକ ବାଇକରେ ତିନି ଜଣ ଯୁବକ ରାୟଗଡା ଅଭିମୁଖେ ଯାଉଥିବା ସମୟରେ ସିକରପାଇ ନିକଟସ୍ଥ ଲକ୍ଷ୍ମୀନଗର ନିକଟରେ ମୁହାଁମୁହିଁ ଧକ୍କା ହୋଇଥିବାରୁ ତିନି ବାଇକ ଆରୋହି ଫିଙ୍ଗି ହୋଇଥିଲେ । ଉକ୍ତ ଘଟଣାକୁ ଅଞ୍ଚଳବାସୀ ଦେଖି ପୁଲିସ, ଅଗ୍ନିଶମ ଓ ରୋଗିବୁହା ଗାଡ଼ିକୁ ଯୋଗାଯୋଗ କରିଥିଲେ । ଘଟଣା ସ୍ଥଳରେ ଗଜେନ୍ଦ୍ର ମାଝୀଙ୍କ ମୃତ୍ୟୁ ହୋଇଥିବା ବେଳେ ଦୁଇ ଜଣ ଗୁରୁତର ହୋଇଥିବାରୁ ସେମାନଙ୍କୁ ଅଗ୍ନିଶମ କର୍ମଚାରୀ ମାନେ ଉଦ୍ଧାର କରି ରୋଗିବୁହା ଗାଡ଼ିରେ ସିକର ପାଇ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ସେହି ଦୁଇଜଣଙ୍କ ଅବସ୍ଥା ଗୁରୁତର ହୋଇଥିବାରୁ ରୋଗିବୁହା ଗାଡ଼ିରେ ମୁଖ୍ୟ ଚିକିତ୍ସାଳୟକୁ ନେଇଥିବା ସୂଚନା ମିଳିଛି । ମୃତ ଯୁବକ ଗଜେନ୍ଦ୍ର ମାଝୀ ହୋଇଥିବା ବେଳେ ଦୁଇ ଗୁରୁତରଙ୍କ ପରିଚୟ ମିଳିନଥିବାରୁ ସେମାନେ କଳାହାଣ୍ଡି ଜିଲ୍ଲା ରାମପୁର ବ୍ଲକ ଗୁଣୁପୁର ପଞ୍ଚାୟତର ସାଇସୁରୁଣୀ ଗାଁର ବୋଲି ସୂଚନା ମିଳିଛି । ପୁଲିସ ଏସଆଇ ସଞ୍ଜୟ କୁମାର ମୁର୍ମୁ ଘଟଣା ସ୍ଥଳରେ ପହଞ୍ଚି ତଦନ୍ତ କରିଛନ୍ତି।
Comments are closed.