ନୂଆଦିଲ୍ଲୀ: ଚଳିିତ ବର୍ଷ ଜୁନ୍ ୮ ତାରିଖରୁ ସେପ୍ୱେମ୍ବର ୮ ତାରିଖ ପର୍ଯ୍ୟନ୍ତ କୈଳାସ ମାନସରୋବର ଯାତ୍ରା ଅନୁଷ୍ଠିତ ହେବ। ଏଥିପାଇଁ ଭାରତରୁ ୧୫୮୦ ଜଣ ଭକ୍ତ ଯୋଗ୍ୟ ବିବେଚିତ ହୋଇଥିବା ବୈଦେଶିକ ମନ୍ତ୍ରାଳୟ ପକ୍ଷରୁ ଜଣାପଡ଼ିଛି। ୨,୮୧୮ ଜଣ ପୁରୁଷ ଓ ୯୧୬ ଜଣ ମହିଳାଙ୍କ ସମେତ ମୋଟ ୩,୭୩୪ ଜଣ ଆବେଦନ କରିଥିବା ବେଳେ ଲଟେରି ଯୋଗେ ଭାଗ୍ୟବାନ୍ ଯାତ୍ରୀଙ୍କୁ ଚୟନ କରାଯାଇଥିଲା। ଯାତ୍ରୀମାନଙ୍କୁ ମୋଟ ୨୮ଟି ଦଳରେ ବିଭକ୍ତ କରାଯିବ। ୧୮ଟି ଦଳକୁ ଉତ୍ତରାଖଣ୍ଡର ଲିପୁଲେଖ ରାସ୍ତା ଦେଇ ପଠାଯିବ। ପ୍ରତି ଦଳରେ ୬୦ ଜଣ ଲେଖାଏଁ ଯାତ୍ରୀ ରହିବେ। ଅନ୍ୟ ୧୦ଟି ଦଳକୁ ସିକ୍ମିମ୍ର ନାଥୁ ଲା ଦେଇ ଯିବାକୁ ଅନୁମତି ଦିଆଯିବ। ଏହି ରାସ୍ତା ଦେଇ ଯିବାକୁ ଥିବା ପ୍ରତି ଦଳରେ ୫୦ ଜଣ ଲେଖାଏଁ ଯାତ୍ରୀ ରହିବେ। ଡୋକଲାମ୍ ବିବାଦ ଯୋଗୁଁ ଗତ ବର୍ଷ ସିକ୍କିମ୍ ରାସ୍ତାରେ କୈଳାସ ମାନସରୋବର ଯାତ୍ରା ପାଇଁ ଚୀନ୍ ଅନୁମତି ଦେଇ ନଥିଲା।
