ନୂଆଦିଲ୍ଲୀ: ମୁକେଶ ଆମ୍ବାନୀଙ୍କର ମାଲିକାନାରେ ଥିବା ରିଲାଏନ୍ସ ଜିଓ ୭୫,୦୦୦ରୁ ୮୦,୦୦୦ ଲୋକଙ୍କୁ ଚାକିରିର ସୁଯୋଗ ପ୍ରଦାନ କରିବା ବୋଲି ଏହାର ମାନବ ସମ୍ବଳ ବିଭାଗର ମୁଖ୍ୟ ପ୍ରବନ୍ଧକ ସଂଜୟ ଯୋଗ ସୂଚନା ଦେଇଛନ୍ତି । ଏହି କମ୍ପାନୀରେ ଏବେ ୧ ଲକ୍ଷ ୫୭ ହଜାରରୁ ଅଧିକ କର୍ମଚାରୀ କାମ କରୁଛନ୍ତି ।
ଆର୍ଥିକ ବର୍ଷ ୨୦୧୯ ବେଳକୁ ଜିଓ ଆହୁରି ୮୦ , ୦୦୦ ଲୋକଙ୍କୁ ଚାକିରି ଦେବ ବୋଲି ଜଣା ପଡିଛି । ଏଥିପାଇଁ ପ୍ରାୟ ୬ ହଜାର ମହାବିଦ୍ୟାଳୟ ସହ ଅନୁବନ୍ଧିତ ହୋଇ ଜିଓ ପକ୍ଷରୁ ସ୍ୱତନ୍ତ୍ର ବୈଷୟିକ ଶିକ୍ଷା ପ୍ରଦାନ କରାଯାଉଛି । ୨୦୧୯ ମସିହା ବେଳକୁ ଏମାନେ ସ୍ୱତନ୍ତ୍ର ଭାବେ ତାଲିମ ନେଇ ସାରିଥିବେ । ଏମାନଙ୍କୁ ରିଲାଏନ୍ସ ଜିଓରେ ନିଯୁକ୍ତି ପ୍ରଦାନ କରାଯିବ ବୋଲି ସଂଜୟ ଯୋଗ କହିଛନ୍ତି ।
ଦେଶରେ ଫୋର୍ ଜି ସେବା କ୍ଷେତ୍ରରେ ଜିଓ ଏକ ପରିବର୍ତ୍ତନ ଆଣିଥିଲା । ଏବେ ଏଫ୍ଟିଟିଏଚ୍ ଓ ସେଟ୍ ଟପ୍ ବକ୍ସ କ୍ଷେତ୍ରରେ କାମ କରୁଛି ।