ପାଟଣା : ପାଟଣା ବ୍ଲକ ମୁଖ୍ୟାଳୟ ପାଟଣା ଜିଏନ ଉଚ୍ଚ ବିଦ୍ୟାଳୟ ପରିସରରେ ମିଲେଟ ମିଶନ ପକ୍ଷରୁ ପରୀକ୍ଷା ମୂଳକ ଭାବେ ମାଣ୍ଡିଆ ବଗିଚା ପ୍ରତିଷ୍ଠାର ଶୁଭାରମ୍ଭ ଗତକାଲି ଅନୁଷ୍ଠିତ ହେବା ସହ ଛାତ୍ରଛାତ୍ରୀ ଓ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ମାଣ୍ଡିଆ ଜାତ ଖାଦ୍ୟର ସ୍ୱାଦ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି। ଏଠାରେ ୧ଶହ ବର୍ଗ ମିଟର ମଧ୍ୟରେ ୫×୫ ମିଟର ସାଇଜର ୪ ଟି ପଟାଳି ନିର୍ମାଣ କରାଯାଇ ଏହି ପଟାଳିରେ ମାଣ୍ଡିଆ, ରାଗି, ବାଜରା ଓ କୋଦ ଚାଷ ପାଇଁ କ୍ଷେତ୍ର ପ୍ରସ୍ତୁତି କରାଯାଇଥିଲା। ଏହା ଛଡ଼ା ବଣମହୁଲଡିହାର ମା ପାର୍ବତୀ ସ୍ୱୟଂ ସହାୟକ ଗୋଷ୍ଠୀର ମିନତି ନାଏକଙ୍କ ଦ୍ଵାରା ତିଆରି କରାଯାଇଥିବା ମାଣ୍ଡିଆରେ ପ୍ରସ୍ତୁତ କ୍ଷୀରି, ବରା, କାକରା, ଲଡୁ, କେକ ଓ ପିଠା ଆଦି ସୁସ୍ୱାଦୁ ବ୍ୟଞ୍ଜନ ଉପସ୍ଥିତ ଛାତ୍ରଛାତ୍ରୀ ଓ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ଖାଇବାକୁ ଦେଇଥିଲେ। ବ୍ଲକ କୃଷି ଅଧିକାରୀ ବର୍ଷା ବୈଶାଳୀ ସହବ୍ଲକ କୃଷି ଅଧିକାରୀ ପରେଶ କୁମାର ଦାଶ, ଶ୍ରୀ ଅନ୍ନ ଅଭିଯାନ ଜିଲ୍ଲା ସହକାରୀ ପ୍ରକଳ୍ପ ସଂଯୋଜକ ସମୀର ଦାସ, ପାଟଣା ବ୍ଲକ ସହ ସଂଯୋଜକ ତ୍ରିଲୋଚନ ମହାନ୍ତ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ। କାର୍ଯ୍ୟକ୍ରମରେ ବିଦ୍ୟାଳୟର ପ୍ରଧାନ ଶିକ୍ଷକ ପ୍ରତାପ ଚନ୍ଦ୍ର ମହାନ୍ତଙ୍କ ସହିତ ଅନ୍ୟ ଶିକ୍ଷକ ଶିକ୍ଷୟିତ୍ରୀ ଓ ଛାତ୍ରଛାତ୍ରୀ ମାନେ ଉପସ୍ଥିତ ଥିଲେ।
Comments are closed.