ନୂଆଦିଲ୍ଲୀ: କ୍ରେଡିଟ୍ କାର୍ଡ ବକେୟା ଉପରେ ବ୍ୟବହାରକାରୀଙ୍କ ଠାରୁ ବ୍ୟାଙ୍କ ୩୦%ରୁ ଅଧିକ ସୁଧ ଆଦାୟ କରିପାରିବ। ଏ ନେଇ ସୁପ୍ରିମକୋର୍ଟ ନିଜ ରାୟରେ ସ୍ପଷ୍ଟ କରି ଦେଇଛନ୍ତି। ସୂଚନାଥାଉ କି ୨୦୦୮ରେ ରାଷ୍ଟ୍ରୀୟ ଉପଭୋକ୍ତା ବିବାଦ ନିବାରଣ ଆୟୋଗ (ଏନସିଡିଆର୍ସି) ଏକ ମାମଲାର ଶୁଣାଣି କରି କ୍ରେଡିଟ୍ କାର୍ଡ ବକେୟା ଉପରେ ୩୦%ରୁ ଅଧିକ ସୁଧ ଆଦାୟକୁ ଅନୁଚିତ ବୋଲି ରାୟ ଦେଇଥିଲେ। ତେବେ ସୁପ୍ରିମକୋର୍ଟ ଏନସିଡିଆର୍ସିର ରାୟକୁ ଖାରଜ କରି ବ୍ୟାଙ୍କ ସପକ୍ଷରେ ରାୟ ଶୁଣାଇଛନ୍ତି। ସୁପ୍ରିମକୋର୍ଟ ବିଚାରପତି ବେଲା ଏମ୍. ତ୍ରିବେଦୀ ଓ ବିଚାରପତି ସତୀଶ ଚନ୍ଦ୍ର ଶର୍ମାଙ୍କୁ ନେଇ ଗଠିତ ପୀଠ ନିଜ ରାୟରେ ଦର୍ଶାଇଛନ୍ତି ଯେ ବ୍ୟାଙ୍କିକ୍ ରେଗୁଲସନ ଆଇନ ୧୯୪୯ ଅନୁଯାୟୀ ସୁଧହାର ସ୍ଥିର କରିବା କ୍ଷମତା ବ୍ୟାଙ୍କ ନିକଟରେ ରହିଛି। ସେହିପରି କ୍ରେଡିଟ୍ କାର୍ଡ ପାଇଁ ଆବେଦନ କରୁଥିବା ସମୟରେ ସଂପୃକ୍ତ ବ୍ୟକ୍ତିଙ୍କୁ ବ୍ୟାଙ୍କ ତରଫରୁ ସୁଧହାର ସମ୍ପର୍କରେ ଅବଗତ କରାଯାଇଥାଏ। ତେଣୁ କ୍ରେଡିଟ୍ କାର୍ଡ ବକେୟା ଉପରେ ବ୍ୟାଙ୍କ ତରଫରୁ ୩୦%ରୁ ଅଧିକ ସୁଧ ଆଦାୟ କରାଯିବା କାର୍ଡ ବ୍ୟବହାରୀଙ୍କ ପ୍ରତି ଅନ୍ୟାୟ ବୋଲି ଗ୍ରହଣ କରାଯାଇ ପାରିବ ନାହିଁ। ବ୍ୟାଙ୍କର ସୁଧହାରକୁ ନିୟନ୍ତ୍ରଣ କରିବାର କ୍ଷମତା କେବଳ ରିଜର୍ଭ ବ୍ୟାଙ୍କର ରହିଛି ବୋଲି ପୀଠ ନିଜ ରାୟରେ ସ୍ପଷ୍ଟ କରି ଦେଇଛନ୍ତି।
Popular Categories
Previous article
Next article