ନୂଆଦିଲ୍ଲୀ : ୨ ମିନିଟରେ ପ୍ରସ୍ତୁତ ହେଉଥିବା ମ୍ୟାଗି ମହଙ୍ଗା ହୋଇପାରେ । ଆଗାମୀ ବର୍ଷ ଜାନୁୟାରୀରୁ ମ୍ୟାଗି ଦାମ୍ ବଢିପାରେ । ପୂର୍ବରୁ ୨୦୨୨ରେ ମ୍ୟାଗି ଦାମ୍ ୨ ଟଙ୍କା ବୃଦ୍ଧି କରାଯାଇଥିଲା । କହିରଖୁଛୁ ସୁପ୍ରିମକୋର୍ଟ ନିଜ ନିଷ୍ପତ୍ତିରେ କହିଛନ୍ତି କି ଡବଲ ଟ୍ୟାକ୍ସେସନ୍ ଆଭଇଡାନ୍ସ ଏଗ୍ରିମେଣ୍ଟକୁ ସେପର୍ଯ୍ୟନ୍ତ ଲାଗୁ କରାଯାଇପାରିବ ନାହିଁ ଯେଉଁପର୍ଯ୍ୟନ୍ତ ଏହାକୁ ଇନକମ୍ ଟ୍ୟାକ୍ସ ଆକ୍ଟ ଅନୁସାରେ ଅଧିସୂଚିତ କରାଯାଇନି । କୋର୍ଟଙ୍କ ଏହି ନିଷ୍ପତ୍ତି ପରେ ସ୍ବିସ୍ କମ୍ପାନୀମାନଙ୍କ ଉପରେ ପ୍ରଭାବ ପଡିବ । ସେମାନଙ୍କୁ ଡିଭିଡେଣ୍ଡ ଉପରେ ଅଧିକ ଟ୍ୟାକ୍ସ ପୈଠ କରିବାକୁ ହେବ । ଯଦି କମ୍ପାନୀମାନେ ଅଧିକ ଟ୍ୟାକ୍ସ ପୈଠ କରିବେ ତେବେ ନିଜ ଉତ୍ପାଦ ଦାମ୍ ବୃଦ୍ଧି କରିବେ ।
ଟ୍ୟାକ୍ସ ବୃଦ୍ଧିର ସିଧା ପ୍ରଭାବ ସ୍ବିସ୍ କମ୍ପାନୀ ଯଥା ନେସଲେ ଆଦିଙ୍କ ଉପରେ ପଡିବ । ସେମାନଙ୍କ ଉତ୍ପାଦ ମହଙ୍ଗା ହୋଇଯିବ । କାରଣ କମ୍ପାନୀଙ୍କୁ ଭାରତୀୟ ଆୟର ଉତ୍ସରୁ ପ୍ରାପ୍ତ ଡିଭିଡେଣ୍ଡ ଉପରେ ୧୦ ପ୍ରତିଶତ ପର୍ଯ୍ୟନ୍ତ ଟ୍ୟାକ୍ସ ଦେବାକୁ ପଡିପାରେ ଯାହା ପୂର୍ବରୁ କମ୍ ଥିଲା । ଭାରତୀୟ କୋର୍ଟଙ୍କ ନିଷ୍ପତ୍ତି ପରେ ସ୍ବିଜରଲ୍ୟାଣ୍ଡର କହିବାନୁସାରେ ଭାରତରେ ସେମାନଙ୍କୁ ଅନ୍ୟ ଦେଶ ଭଳି ଅଧିକ ଲାଭ ମିଳୁନି । ତେଣୁ କମ୍ପାନୀ ପୂର୍୧୯୯୪ରୁ ହୋଇଥିବା ଚୁକ୍ତିକୁ ୨୦୨୪ ଶେଷ ସୁଦ୍ଧା ସମାପ୍ତ କରିବାକୁ ନିଷ୍ପତ୍ତି ନେଇଛି । ଏହି ନିଷ୍ପତ୍ତି ଫଳରେ ଉତ୍ପାଦ ମହଙ୍ଗା ହୋଇପାରେ । ଅର୍ଥାତ୍ ୨୦୨୫ରୁ ଗ୍ରାହକଙ୍କୁ ମ୍ୟାଗି କ୍ରୟ ଉପରେ ଅଧିକ ପଇସା ଦେବାକୁ ପଡିବ ।
