ସମାଜ ଲାଇଭ ଡ଼େସ୍କ : ଆଜି ପହଲଗାଓଁ ଆତଙ୍କବାଦୀ ଆକ୍ରମଣ ଘଟଣାରେ, ଜାତୀୟ ତଦନ୍ତକରି ଦଳ(ଏନଆଇଏ) ଜମ୍ମୁ ସ୍ୱତନ୍ତ୍ର ଅଦାଲତରେ ଜାତୀୟ ତଦନ୍ତକାରୀ ସଂସ୍ଥା ଚାର୍ଜସିଟ୍ ଉପସ୍ଥାପନ କରିବ।
ଜାତୀୟ ତଦନ୍ତକାରୀ ସଂସ୍ଥା (ଏନଆଇଏ) ଆଜି ପହଲଗାଓଁ ଆତଙ୍କବାଦୀ ଆକ୍ରମଣ ମାମଲାରେ ଚାର୍ଜସିଟ୍ ଦାଖଲ କରିବ । ଆଜି ଜମ୍ମୁ ସ୍ୱତନ୍ତ୍ର ଅଦାଲତରେ ଏନଆଇଏ ଘଟଣାର ଏକ ଚାର୍ଜସିଟ୍ ଉପସ୍ଥାପନ କରିବ ବୋଲି ସୂଚନା ମିଳିଛି । ଏପ୍ରିଲ ୨୨ ତାରିଖରେ କାଶ୍ମୀରର ପହଲଗାଓଁ ରେ ରେ ପର୍ଯ୍ୟଟନ ମାନଙ୍କ ଉପରେ ଆତଙ୍କି ଆକ୍ରମଣ ହୋଇଥିଲା । ଆକ୍ରମଣରେ ୨୬ଜଣ ପର୍ଯ୍ୟଟକ ପ୍ରାଣ ହରାଇଥିଲେ । ପାକିସ୍ତାନ ସମ୍ପର୍କିତ ଆତଙ୍କବାଦୀଙ୍କ ଦ୍ୱାରା ଆକ୍ରମଣ ହୋଇଥିବା ଅଭିଯୋଗରେ ଦୁଇ ଦେଶ ମଧ୍ୟରେ ଯୁଦ୍ଧ ପରିସ୍ଥିତି ଉପୁଜିଥିଲା ।
ଆତଙ୍କବାଦୀଙ୍କୁ ଆଶ୍ରୟ ଦେବା ପାଇଁ ଅଭିଯୋଗରେ ଦୁଇଜଣଙ୍କୁ ଗିରଫ କରିଥିଲା ଏନଆଇଏ । ଗିରଫ ହୋଇଥିବା ଦୁଇ ଜଣ ତିନି ଜଣ ଆକ୍ରମଣକାରୀଙ୍କ ପରିଚୟ ପାକିସ୍ତାନୀ ନାଗରିକ ବୋଲି ପ୍ରକାଶ କରିଥିଲେ । ସେମାନେ ଆତଙ୍କି ସଂଗଠନ ଲସ୍କର-ଏ-ତୋଏବା(ଏଲଇଟି) ସହିତ ଜଡିତ ଥିବା ସୂଚନା ମଧ୍ୟ ଦେଇଥିଲେ ଗିରଫ ଦୁଇ ଅଭିଯୁକ୍ତ । ପରେ ଶ୍ରୀନଗର ଉପକଣ୍ଠରେ ଜୁଲାଇ୨୮ ରେ ହୋଇଥିବା ଏନକାଉଣ୍ଟର ‘ଅପରେସନ୍ ମହାଦେବ’ରେ ତିନି ଜଣ ଆତଙ୍କବାଦୀ ନିହତ ହୋଇଥିଲେ । ପହଲଗାଓଁ ଆକ୍ରମଣର ଜବାବରେ, ଭାରତୀୟ ସଶସ୍ତ୍ର ବାହିନୀ ମେ ୭ ରେ ‘ଅପରେସନ୍ ସିନ୍ଦୂର’ ନାମରେ ପାକିସ୍ତାନ ଏବଂ ପାକ୍ ଅଧିକୃତ କାଶ୍ମୀର (ପିଓକେ)ରେ ଆତଙ୍କବାଦୀ ଆଡ୍ଡା ଉପରେ ଆକ୍ରମଣ କରିଥିଲେ । ଏହି ଅଭିଯାନରେ ଏଲଇଟି ଏବଂ ଜୈଶ-ଏ-ମହମ୍ମଦର ମୁଖ୍ୟାଳୟ ଏବଂ ତାଲିମ କେନ୍ଦ୍ର ସମେତ ନଅଟି ସ୍ଥାନକୁ ଟାର୍ଗେଟ କରାଯାଇଥିଲା, ଯେଉଁଠାରୁ ଭାରତ ବିରୁଦ୍ଧରେ ଆତଙ୍କବାଦୀ ଆକ୍ରମଣ ଯୋଜନା ଏବଂ ନିର୍ଦ୍ଦେଶିତ କରାଯାଇଥିଲା ।
