ନୂଆଦିଲ୍ଲୀ : ବ୍ୟବସାୟୀ ତଥା ଦେଶର ସବୁଠାରୁ ଧନୀ ବ୍ୟକ୍ତି ମୁକେଶ ଅମ୍ବାନୀ ରିଲାଏନ୍ସ ଇଣ୍ଡଷ୍ଟ୍ରିଜର ଅଧ୍ୟକ୍ଷ ଅଛନ୍ତି । ତାଙ୍କ କମ୍ପାନୀ ରିଲାଏନ୍ସ ଜିଓ ଭାରତର ଜଣାଶୁଣା ଟେଲିକମ୍ କମ୍ପାନୀ । ତେବେ କମ୍ପାନୀର ଗ୍ରାହକଙ୍କ ସଂଖ୍ୟା ଲଗାତର କମିବାରେ ଲାଗିଛି। ଟେଲିକମ୍ ରେଗୁଲେଟରୀ ଅଥୋରିଟି ଅଫ୍ ଇଣ୍ଡିଆର ରିପୋର୍ଟ ଅନୁସାରେ ଚଳିତ ବର୍ଷ ଅକ୍ଟୋବର ସୁଦ୍ଧା କମ୍ପାନୀ ୩୭.୬ ଲକ୍ଷ ମୋବାଇଲ ଗ୍ରାହକ ହରାଇ ଦେଇଛି । କେବଳ ଏତିକି ନୁହେଁ, ରିଲାଏନ୍ସ ଜିଓ ଇନଫୋକମ୍ ଲିମିଟେଡ୍ ଗତ ୪ ମାସରେ ପ୍ରାୟ ୧.୬୫ କୋଟି ଗ୍ରାହକ ହରାଇ ଦେଇଛି ।
ତେବେ କମ୍ପାନୀ ଗ୍ରାହକ ହରାଇବା ସତ୍ତ୍ବେ ୩୯.୯ ପ୍ରତିଶତ ବଜାର ଭାଗିଦାରୀ ସହ ଏକ ନମ୍ବରରେ ରହିଛି । ଭାରତୀ ଏୟାରଟେଲର ବଜାର ଭାଗିଦାରୀ ୩୩.୫ ପ୍ରତିଶତ । ଏୟାରଟେଲର ଗ୍ରାହକ ସଂଖ୍ୟା ଅକ୍ଟୋବରରେ ୧୯.୨୮ ଲକ୍ଷ ବଢିଛି । ତେବେ ସେପ୍ଟେମ୍ବରରେ ୧୪.୩୫ ଲକ୍ଷ ଗ୍ରାହକ କମିଥିଲେ । ଭୋଡାଫୋନ୍-ଆଇଡିଆ ମଧ୍ୟ ୧୯.୭୭ ଲକ୍ଷ ୟୁଜର ହରାଇଛି । ଏହାର ବଜାର ଭାଗିଦାରୀ ୧୮.୩୦ ପ୍ରତିଶତ । ସରକାରୀ ଟେଲିକମ୍ କମ୍ପାନୀ ବିଏସଏନଏଲ ଓ ଏମଟିଏନଏଲର ବଜାର ଭାଗିଦାରୀ ମାତ୍ର ୮.୨୨ ପ୍ରତିଶତ । କମ୍ପାନୀ ଅକ୍ଟୋବରରେ ୫ ଲକ୍ଷ ଗ୍ରାହକ ଯୋଡିଛି ।
Comments are closed.