ଗୁଡ଼ଭେଲା : ଓଡ଼ିଶା ପ୍ରଶାସନିକ ସେବା ପରୀକ୍ଷାରେ ତୁଷୁରାର ବୋହୂ ଆରତୀ ଜୟସ୍ବାଲ କୃତକାର୍ଯ୍ୟ ହୋଇଛନ୍ତି । ସେ ତୁଷୁରା ଏନଏସି ଅଧ୍ୟକ୍ଷ ଅଜୟ ଜୟଶ୍ବାଲଙ୍କ ସ୍ତ୍ରୀ ଅଟନ୍ତି। ଓଡ଼ିଶାରେ ୪୩୧ ରେଙ୍କରେ ଉତ୍ତୀର୍ଣ୍ଣ ହୋଇଛନ୍ତି । ଆରତୀ ଝାରସୁଗୁଡ଼ା ଜିଲା ବେଳପାହାଡ଼ ନିବାସୀ ଉଷାଦେବୀ ଜୟସ୍ବାଲ ଓ ସ୍ବର୍ଗତ ଶିବଦାସ ପ୍ରସାଦ ଜୟସ୍ବାଲଙ୍କ କନିଷ୍ଠ ଝିଅ। ବେଳପାହାଡ଼ ମହାବିଦ୍ୟାଳୟରୁ ସ୍ନାତକୋତ୍ତର ପରୀକ୍ଷା ପାସ କରିବା ପରେ ତୁଷୁରାରେ ବିବାହ କରିଥିଲେ । ଜଣେ ଗୃହିଣୀ ହୋଇ ମଧ୍ୟ ୬ ବର୍ଷଧରି ନିଜ ପରିବାରଠୁ ଦୂରରେ ରହି ଭୁବନେଶ୍ୱର କୋଚିଂ କରିବା ସହ ଏ ସଂଘର୍ଷ ସମୟରେ ତାଙ୍କ ପରିବାର ସଂପୂର୍ଣ୍ଣ ସହଯୋଗ କରିଥିବାରୁ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି। ଆରତୀଙ୍କ ଓଏଏସ୍ ପାଇବା ଖବର ପାଇ ଅଞ୍ଚଳ ତଥା ପରିବାର ବର୍ଗରେ ଶୁଭେଚ୍ଛାର ସୁଅ ଛୁଟିଛି।
Comments are closed.