ସମାଜ ଡିଜିଟାଲ ଡେସ୍କ: ବିହାର ବିଧାନସଭା ନିର୍ବାଚନର ଫଳାଫଳ ଧୀରେ ଧୀରେ ସ୍ପଷ୍ଟ ହେଉଛି । ଏଥର ମଧ୍ୟ ନୀତିଶ କୁମାର ବାଜି ମାରୁଥିବା ଯାହା ଟ୍ରେଣ୍ଡରୁ ଜଣାପଡିଛି । ଏନଡିଏ ଓ ମହାମେଣ୍ଟରେ ପ୍ରଥମର କଡା ଟକ୍କର ଚାଲିଥିବା ବେଳେ ଏବେ ୨୦୯ ସିଟରେ ଏନଡିଏ ଆଗୁଆ ରହିଛି । ମହାମେଣ୍ଟ ୨୮ଟି ସିଟରେ ରହିଛି । ସବୁଠାରୁ ପ୍ରଥମ ବିଜୟୀ ହୋଇଛନ୍ତି ଶାଲିନୀ ମିଶ୍ର । ନିର୍ବାଚନରେ ତାଙ୍କର ବିଜୟ ଫଳାଫଳ ପ୍ରଥମେ ଘୋଷଣା କରାଯାଇଥିଲା । ରିପୋର୍ଟ ଅନୁସାରେ ସେ ୫୮,୦୦୦ରୁ ଅଧିକ ଭୋଟ ପାଇଛନ୍ତି ।
ଶାଲିନୀ ମିଶ୍ର ପୂର୍ବ ଚମ୍ପାରଣର କେଶରିଆ ବିଧାନସଭା ଆସନରୁ ପ୍ରତିଦ୍ୱନ୍ଦ୍ୱିତା କରିଥିଲେ । ସେ ଜେଡିୟୁର ପ୍ରାର୍ଥୀ ହୋଇଥିଲେ । ଭୋଟ ଗଣତି ଆରମ୍ଭରୁ ସେ ନେତୃତ୍ୱ ନେଇଥିଲେ ଏବଂ ବିଜୟ ପର୍ଯ୍ୟନ୍ତ ଏହି ନେତୃତ୍ୱ ବଜାୟ ରଖିଥିଲେ । ତଥ୍ୟ ଅନୁସାରେ ଶାଲିନୀ ମିଶ୍ର ୫୮,୯୭୦ ଭୋଟ ସହିତ ବିଜୟୀ ହୋଇଛନ୍ତି ।
ଶାଲିନୀ ମିଶ୍ର କେଶରିଆ ବିଧାନସଭା ଆସନରୁ ୨୦୨୦ ବିଧାନସଭା ନିର୍ବାଚନରେ ବିଜୟୀ ହୋଇଥିଲେ । ଏଥର ତାଙ୍କୁ ପୁଣି ଥରେ ଜେଡିୟୁ ପ୍ରାର୍ଥୀ କରିଥିଲା ଏବଂ ମହାମେଣ୍ଟର ପ୍ରାର୍ଥୀ ବରୁଣ ବିଜୟଙ୍କୁ ପରାସ୍ତ କରିଥିଲେ ।
