ମୁମ୍ବଇ : ମୁମ୍ବଇର ଜୁହୁଠାରେ ଜଣେ ଇଟାଲି ମହିଳା ପର୍ଯ୍ୟଟକଙ୍କୁ ଜଣେ ଟୁର ଗାଇଡ଼ କାର ଭିତରେ ବଳାତ୍କାର କରିଥିବା ଜୁହ ଥାନାରେ ଅଭିଯୋଗ ହୋଇଛି। ଜୁନ୍ ୧୪ରେ ବଳାତ୍କାର ହୋଇଥିବା ମହିଳା ଜଣକ ଗତ ଶୁକ୍ରବାର ଅଭିଯୋଗ କରିଛନ୍ତି। ପୁଲିସ୍ଠାରୁ ରବିବାର ମିଳିଥିବା ସୂଚନା ଅନୁସାରେ ଜୁନ୍ ୧୪ରେ ମହିଳା ଜଣକ ଏକ ବସ୍ରେ ଯାତ୍ରା କରୁଥିବା ବେଳେ ଅଭିଯୁକ୍ତଙ୍କୁ ଭେଟିଥିଲେ। ଅଭିଯୁକ୍ତ ଜଣକ ନିଜକୁ ଜଣେ ଟୁର ଗାଇଡ ବୋଲି କହିଥିଲା। ବସ୍ରେ ଯାତ୍ରା ଶେଷ ହେବା ପରେ ଟୁର ଗାଇଡ଼ ଜଣକ ବଲିଉଡ଼ ଅଭିନେତା ଅମିତାଭ ବଚ୍ଚନଙ୍କ ବଙ୍ଗଳା ଦେଖାଇବାକୁ କହି ମହିଳା ଜଣକୁ ଏକ କାରରେ ନିଜ ସାଥିରେ ନେଇଯାଇଥିଲେ। ପରେ ମହିଳା ଜଣକୁ ମଦ ପିଆଇ ସେ ଜୁହୁଠାରେ କାର ଭିତରେ ବଳାତ୍କାର କରିଥିଲା। ମହିଳା ଜଣକ ଏନେଇ ଇଟାଲି ଦୂତାବାସକୁ ଜଣାଇବା ପରେ ଥାନାରେ ଅଭିଯୋଗ କରିଥିଲେ। ପୁଲିସ୍ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ଏପର୍ଯ୍ୟନ୍ତ ଅଭିଯୁକ୍ତକୁ ଗିରଫ କରାଯାଇନାହିଁ।
