ଆଇଆରସିଟିସି ଓ ଆଇଆରଏଫସିକୁ ମିଳିଲା ନବରତ୍ନ ମାନ୍ୟତା

ଡେସ୍କ: କେନ୍ଦ୍ର ସରକାର ଭାରତୀୟ ରେଳ ଫାଇନାନ୍ସ କର୍ପୋରେସନ୍ (ଆଇଆରଏଫସି) ଏବଂ ଇଣ୍ଡିଆନ୍ ରେଲୱେ କ୍ୟାଟରିଂ ଆଣ୍ଡ ଟୁରିଜିମ୍ କର୍ପୋରେସନ୍ (ଆଇଆରସିଟିସି)କୁ ନବରତ୍ନ ମାନ୍ୟତା ଦେଇଛନ୍ତି। ରେଲୱେ ଫାଇନାନ୍ସ କର୍ପୋରେସନ ହେଉଛି ରେଳ ମନ୍ତ୍ରଣାଳୟ ଅଧୀନରେ ଥିବା ଏକ କେନ୍ଦ୍ରୀୟ ରାଷ୍ଟ୍ରାୟତ୍ତ ଉଦ୍ୟୋଗ, ଯାହାର ବାର୍ଷିକ କାରବାର ୨୬ ହଜାର କୋଟିରୁ ଅଧିକ। ଆଇଆରସିଟିସି ମଧ୍ୟ ରେଳ ମନ୍ତ୍ରଣାଳୟ ଅଧୀନରେ ଥିବା ଏକ କେନ୍ଦ୍ରୀୟ ରାଷ୍ଟ୍ରାୟତ୍ତ ଉଦ୍ୟୋଗ, ଯାହାର ବାର୍ଷିକ କାରବାର ୪ ହଜାର କୋଟିରୁ ଅଧିକ । ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ନବରତ୍ନ ମାନ୍ୟତା ପାଇବା ପରେ ଉଭୟ କମ୍ପାନୀକୁ ଅଭିନନ୍ଦନ ଜଣାଇଛନ୍ତି।