ସିମେଣ୍ଟ ଚୋରି, ୨ ଗିରଫ

କଣ୍ଟାବାଞ୍ଜି: ତୁରେକେଲା ପୁଲିସ ସିମେଣ୍ଟ ଚୋରି ଅଭିଯୋଗରେ ଦୁଇ ଜଣଙ୍କୁ ଗିରଫ କରିଛି। ସେମାନେ ହେଲେ ମୁଡ଼କାନି ଗାଁର ଜଗନ୍ନାଥ ଭୋଇ ଏବଂ ଚାରପାନି ଗାଁର ବିଜୟ ନାଗ। ଏମାନଙ୍କଠାରୁ ପୋଲିସ ୪୦ ବସ୍ତା ସିମେଣ୍ଟ, ୭ ହଜାର ଟଙ୍କା ସହ ଚୋରିରେ ବ୍ୟବହୃତ ପିକ୍ଅପ ଗାଡ଼ିକୁ ଜବତ କରିଛି। ଗିରଫ ଦୁଇ ଜଣଙ୍କ ଡ଼ାକ୍ତରୀ ମାଇନା ପରେ କୋର୍ଟ ଚାଲାଣ କରାଯାଇଥିଲା । ସୂଚନା ଅନୁସାରେ, ମୁଣ୍ଡକାନି ଗାଁରେ ମେଗା ପ୍ରକଳ୍ପ କାମ ଚାଲୁଛି। ସେଠାରେ ଜଗନ୍ନାଥ ଭୋଇ ସିକ୍ୟୁରିଟି ଗାର୍ଡ ଭାବେ କାମ କରୁଥିବା ବେଳେ ଦୁଇ ତାରିଖ ସିମେଣ୍ଟ ଚୋରି ହୋଇଥିବା ଥାନାରେ ଅଭିଯୋଗ କରିଥିଲା। ପୁଲିସ କୌଣସି ସୂତ୍ରରୁ ଖବର ପାଇ ପିକଅପ ଗାଡ଼ିରେ ଚୋରି ସିମେଣ୍ଟ ଯାଉଥିବା ଖବର ପାଇଥିବା ବେଳେ ଚଢାଉ ସମୟରେ ସିମେଣ୍ଟ ବାହାରିଥିଲା। ଏଥିରେ ସିକ୍ୟୁରିଟି ଗାର୍ଡ ସହ ବିଜୟ ନାଗକୁ ଗିରଫ କରିଥିଲା ପୁଲିସ। ଏମାନେ ପୂର୍ବରୁ ମଧ୍ୟ ଏମିତି ୧୦୦ରୁ ଅଧିକ ବସ୍ତା ସିମେଣ୍ଟ ଚୋରି କରିନେଇଛନ୍ତି।