ପାଟଣା : ପାଟଣା ବ୍ଲକରେ କାର୍ଯ୍ୟ କରୁଥିବା ବ୍ଲକ ସ୍ତରୀୟ ପଞ୍ଚାୟତ ମହାସଂଘ ତଥା ମିଶନଶକ୍ତି କର୍ମୀ ସଙ୍ଘ ତରଫରୁ ଉପଯୁକ୍ତ ପ୍ରାପ୍ୟ ପ୍ରଦାନ ନିମନ୍ତେ ଆଜି ପାଟଣା ବିଡିଓଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି। ପାଟଣା ବ୍ଲକରେ ଓଡ଼ିଶା ଜୀବିକା ମିଶନ ଅଧିନସ୍ଥ ୨୦ଟି ପଞ୍ଚାୟତରେ କମ୍ୟୁନିଟି ସପୋର୍ଟ ଷ୍ଟାଫ ଯଥା ଏମବିକେ, ସିଆରପିସିଏମ, ବ୍ୟାଙ୍କ ମିତ୍ର, କୃଷି ମିତ୍ର, ପ୍ରାଣୀ ମିତ୍ର, ଏବଂ ଏଲଏସପି ମାନେ ୨୦୧୭ ମସିହାରୁ କାର୍ଯ୍ୟ କରୁଛନ୍ତି। ପୂର୍ବ ସରକାର ସମୟରେ ଏମବିକେ ମାନେ ୧୦୭୫୦, ଏଲଏସପି ଓ ବ୍ୟାଙ୍କ ମିତ୍ର ୬୨୫୦,କୃଷି ମିତ୍ର, ପ୍ରାଣୀ ମିତ୍ର,ସିଆରପିସିଏମ ମାନେ ୬୧୦୦ ଟଙ୍କା ଲେଖାଏଁ ପାରିଶ୍ରମିକ ପାଉଥିଲେ। ଏବେ ନୂତନ ସରକାର ଗଠନ ପରେ ଏହି ପାରିଶ୍ରମିକ କମାଇ ପୂର୍ବ ପ୍ରାପ୍ୟର ଅଧା ପ୍ରଦାନ କରୁଛନ୍ତି। ସେମାନଙ୍କ ଦାବି ମୁତାବକ ମହିଳା ମାନଙ୍କ ଆର୍ଥିକ ଉନ୍ନତି ନିମନ୍ତେ ସରକାରଙ୍କ ବିଭିନ୍ନ ଯୋଜନା କୁ କାର୍ଯ୍ୟ କାରୀକରିବା ପାଇଁ ଅକ୍ଲାନ୍ତ ପରିଶ୍ରମ ଅନୁଯାୟୀ କରୁଛନ୍ତି। ପରିଶ୍ରମ ଅନୁଯାୟୀ ପାରିଶ୍ରମିକ ମିଳି ପାରୁନାହିଁ। ଯାହା ଫଳରେ ସେମାନଙ୍କୁ କାର୍ଯ୍ୟ କରିବା କଷ୍ଟକର ହେଉଛି।ପୂର୍ବରୁ ପାଉଥିବା ପାରିଶ୍ରମିକକୁ ପୁନର୍ବାର ପ୍ରଦାନ କରିବା ପାଇଁ ଆଜି ପାଟଣା ବିଡିଓଙ୍କୁ ସଙ୍ଘ ତରଫରୁ ଏକ ଦାବିପତ୍ର ପ୍ରଦାନ କରାଯାଇଛି।
Popular Categories
Previous article
Next article