ନୂଆଦିଲ୍ଲୀ : ସୋସିଆଲ ମିଡିଆରେ ଜୀବଜନ୍ତୁଙ୍କ ଅନେକ ଭିଡିଓ ଭାଇରାଲ୍ ହୋଇଥାଏ । କିଛି ଭିଡିଓ ଆଶ୍ଚର୍ଯ୍ୟ ଚକିତ ସହ ଭୟଭୀତ ମଧ୍ୟ କରିଥାଏ । ନିକଟରେ ଏଭଳି ଏକ ଭିଡିଓ ଭାଇରାଲ୍ ହେଉଛି ଯାହାକୁ ଦେଖିଲେ ଭୟଭୀତ ହେବା ସାଧାରଣ କଥା । ଭିଡିଓଟି ଏବେ ସଭିଁଙ୍କ ଧ୍ୟାନକୁ ଆକର୍ଷିତ କରୁଛି ।
ଭାଇରାଲ୍ ହେଉଥିବା ଭିଡିଓରେ ଦେଖିପାରିବେ, ଜଙ୍ଗଲ ରାସ୍ତାର ବାଟବଣା ହୋଇ ଏକ ସିଂହ କିଭଳି ହଠାତ୍ ଜଣଙ୍କ ଘରେ ପଶି ଯାଉଛି । ଭିଡିଓଟି ଗୁଜରାଟର ଅମରେଲୀ ଜିଲାର ବୋଲି କୁହାଯାଉଛି । ଏଠାରେ ସିଂହ ଜଣଙ୍କ ରୋଷେଇ ଘରେ କାନ୍ଥ ଉପରକୁ ଚଢି ଯାଇ ସେଠାରେ ବସି ରହୁଛି । ଏହି ଘଟଣା କାରଣରୁ ଅଞ୍ଚଳବାସୀ ଭୟଭୀତ ଅବସ୍ଥାରେ ରହିଛନ୍ତି ।
ଏହି ଘଟଣା ଗିର୍ ଜଙ୍ଗଲର ନିକଟରେ ଘଟିଛି । ଏଠାକାର ଅଞ୍ଚଳରେ ଅଧିକାଂଶ ସମୟରେ ସିଂହ ଦେଖାଯାନ୍ତି । ମାତ୍ର ଜନବସତି ଅଞ୍ଚଳରେ ଏଭଳି ଘଟଣା କମ୍ ଦେଖାଯାଏ । ରୋଷେଇ ଘରର କାନ୍ଥ ଉପରରେ ସିଂହକୁ ବସିଥିବା ଦେଖି ଲୋକେ ଅତ୍ୟଧିକ ଭୟଭୀତ ହୋଇଯାଇଥିଲେ । ସେଠାରୁ ଦୌଡି ପଳାଇଥିଲେ । କିଛି ଲୋକେ ଟର୍ଚ୍ଚ ଲାଇଟ୍ରେ ସିଂହକୁ ଦେଖି ଭିଡିଓ କରିଥିବା ଜଣାପଡୁଛି । ମାତ୍ର ସିଂହଟି ମଧ୍ୟ ସେହି ସମୟରେ ଘର ଭିତରକୁ ପଶିବାକୁ ଚେଷ୍ଟା କରୁଥିବା ଭିଡିଓରେ ଦେଖାଯାଉଛି । ଭିଡିଓ ଦେଖିବା ପରେ ଲୋକେ ନିଜର ଭିନ୍ନ ଭିନ୍ନ ପ୍ରତିକ୍ରିୟା ଦେଇଛନ୍ତି ।
ହୃଦୟବିଦାରକ.. ଦେଖନ୍ତୁ ଭିଡିଓ; ବିବାହ ବାର୍ଷିକୀରେ ନାଚୁ ନାଚୁ ଚାଲିଗଲା ଜୀବନ
ଟାଟା ଆଣିଲା ଚକ ଥିବା ଏସି ; ମାତ୍ର ୨,୦୨୪ ଟଙ୍କା ଦେଇ ନେଇ ଆସନ୍ତୁ ଘରକୁ
ଏୟାରଟେଲ୍ ୩୮ କୋଟି ଉପଭୋକ୍ତାଙ୍କ ପାଇଁ ଆଣିଲା ଆଶ୍ୱସ୍ତି, ବର୍ଷକ ପାଇଁ ଆଣିଲା ସବୁଠାରୁ ଶସ୍ତା ପ୍ଲାନ୍
