ରେଳବାଇରେ ଖାଲି ୧ ଲକ୍ଷ ୪୦ହଜାର ପଦବୀ : ଡିସେମ୍ବର ୧୫ରୁ କମ୍ପ୍ୟୁଟର ଆଧାରିତ ପରୀକ୍ଷା

ନୂଆଦିଲ୍ଲୀ : ନୂଆ ନିଯୁକ୍ତି ଓ ଖାଲି ପଡିଥିବା ପଦ ପୂରଣକୁ ନେଇ ଚାଲିଥିବା ବିବାଦ ମଧ୍ୟରେ ନିଯୁକ୍ତି ଆଶୟୀଙ୍କ ପାଇଁ ଖୁସି ଖବର। ଭାରତୀୟ ରେଳବାଇରେ ଖାଲି ପହିଥିବା ୧ ଲକ୍ଷ ୪୦ହଜାର ପଦବୀ ପାଇଁ ପରୀକ୍ଷା ଆରମ୍ଭ ହେବାକୁ ଯାଉଛି। ଚଳିତ ବର୍ଷ ଡିସେମ୍ବର ୧୫ରୁ ଭାରତୀୟ ରେଳବାଇରେ ଖାଲିପଡ଼ିଥିବା ପଦବୀଗୁଡିକ ପାଇଁ କମ୍ପ୍ୟୁଟର ଆଧାରିତ ପରୀକ୍ଷା କରାଯିବ।

ରେଳବାଇ ପ୍ରାୟ ୩୫ହଜାର ୨୦୮ଟି ଗାର୍ଡ ଓ କିରାଣୀ ଭଳି ପଦବୀ ପୂରଣ କରିବାକୁ ଯାଉଥିବାବେଳେ ୧ ହଜାର ୬୬୩ଟି ମନ୍ତ୍ରଣାଳୟ କର୍ମଚାରୀ ଏବଂ ୧ଲକ୍ଷ ୩ହଜାର ୭୫୯ଟି ଲେବୁଲ-୧ ପଦବୀ ପୂରଣ ପାଇଁ ଲକ୍ଷ୍ୟ ରଖିଛି। ରେଳବାଇ ପକ୍ଷରୁ ୧  ୧ ଲକ୍ଷ ୪୦ହଜାର ପଦବୀ ପାଇଁ ବିଜ୍ଞାପନ ଜାରି କରାଯାଇଥିଲା। ଏଥିପାଇଁ ପ୍ରାୟ ୨କୋଟି ୪୦ଲକ୍ଷ ଅଶାୟୀ ଆବେଦନ
କରିଥିବା ଜଣାପଡ଼ିଛି।
ରେଳବାଇ ପକ୍ଷରୁ ପ୍ରକାଶିତ ବିଜ୍ଞପ୍ତିରେ ଏହା କୁହାଯାଇଛି। ଏହି ପରୀକ୍ଷା ପାଇଁ ମାର୍ଗଦର୍ଶିିକା ପ୍ରସ୍ତୁତ ହୋଇଛି। କେନ୍ଦ୍ର ସରକାର ଏବଂ ରାଜ୍ୟ ସରକାରଗୁଡିକ ପକ୍ଷରୁ କରୋନା ମହାମାରୀକୁ ଦୃଷ୍ଟିରେ ରଖି ସାମାଜିକ ଦୂରତା ଭଳି ଗ୍ରହଣ କରାଯାଇଥିବା ବିଭିନ୍ନ ପଦକ୍ଷେପକୁ ଏହି ମାର୍ଗଦର୍ଶିକାରେ ଅନ୍ତର୍ଭୁକ୍ତ କରାଯାଇଛି। କରୋନା ମହାମାରୀ କଟକଣା ଯୋଗୁଁ
ଏଥିପାଇଁ ହେବାକୁ ଥିବା ପରୀକ୍ଷାକୁ ବିଳମ୍ବିତ କରାଯାଇଛି।

Indian Railways will conduct computer based tests for notified vacancies from 15th December 2020.

Notified vacancies include 35208 for NTPC, 1663 for Isolated & Ministerial categories &103769 for Level 1 posts.https://t.co/Y4YFXEx5hv pic.twitter.com/6UDBhXUaPr

— Ministry of Railways (@RailMinIndia) September 6, 2020

ସୂଚନାଯୋଗ୍ୟ, କେନ୍ଦ୍ର ସରକାରଙ୍କ ପକ୍ଷରୁ ନୂଆ ନିଯୁକ୍ତି ବନ୍ଦ କରାଯିବା ନେଇ ଶୁକ୍ରବାର ପ୍ରକାଶିତ ରିପୋର୍ଟ ଉପରେ ଅର୍ଥ ମନ୍ତ୍ରଣାଳୟ ନିଜ ମତ ବଦଳାଇଛି। ଶନିବାର ଅର୍ଥମନ୍ତ୍ରଣାଳୟ କହିଛି ଯେ କେନ୍ଦ୍ର ସରକାରଙ୍କ ପକ୍ଷରୁ ନୂଆ ନିଯୁକ୍ତି ଉପରେ କୌଣସି କଟକଣା ଲାଗୁ କରାଯାଇ ନାହିଁ। କେନ୍ଦ୍ର ସରକାରଙ୍କ ବିଭିନ୍ନ ବିଭାଗରେ ଖାଲି ପଡିଥିବା ପଦ ପୂରଣ ପାଇଁ ଷ୍ଟାଫ୍‌ ସିଲେକସନ କମିସନ, ୟୁପିଏସସି ଓ ରେଲୱେ ନିଯୁକ୍ତି ବୋର୍ଡ ଦ୍ବାରା ନିଯୁକ୍ତି ପ୍ରକ୍ରିୟା ଜାରି ରହିବ। ତେବେ କୌଣସି ମନ୍ତ୍ରଣାଳୟରେ ନୂଆ ପଦ ସୃଷ୍ଟି କରାଯିବା ଉପରେ ଅର୍ଥମନ୍ତ୍ରଣାଳୟ ଅଧୀନ ଖର୍ଚ୍ଚ ବିଭାଗ ନିଷେଧାଦେଶ ଜାରି କରିଛି।