ଡେସ୍କ: ପାନ୍ ୨.୦, ସ୍ଥାୟୀ ଆକାଉଣ୍ଟ ନମ୍ବର (ପ୍ୟାନ୍) ବ୍ୟବସ୍ଥାର ଏକ ଉତ୍ତମ ଏବଂ ଅପଡେଟ୍ ସଂସ୍କରଣ, ଆୟକର ବିଭାଗ ଦ୍ୱାରା ଆରମ୍ଭ କରାଯାଉଛି। ଏହି ଅପଗ୍ରେଡ୍ ସଂସ୍କରଣ ସୁରକ୍ଷାକୁ ବଢ଼ାଇଥାଏ ଏବଂ ଆପ୍ଲିକେସନ୍ ପ୍ରକ୍ରିୟାକୁ ସରଳ କରିଥାଏ। କ୍ୟୁଆର୍ କୋଡ୍ ସହିତ ଇ-ପାନ୍ ପ୍ରଚଳନ ଦ୍ୱାରା ପ୍ରଦାନ କରାଯାଇଥିବା ଦ୍ରୁତ ପ୍ରମାଣୀକରଣ ଏବଂ ଠକେଇ ନିରାକରଣ ପାନ୍ ୨.୦ର ଏକ ପ୍ରମୁଖ ବୈଶିଷ୍ଟ୍ୟ। ଇ-ପ୍ୟାନ୍ ମାଗଣାରେ ଡିଜିଟାଲ୍ ମାଧ୍ୟମରେ ପଠାଯାଉଥିବା ବେଳେ ଫିଜିକାଲ୍ ପ୍ୟାନ୍ କାର୍ଡ ପାଇଁ ଅଳ୍ପ ଶୁଳ୍କ ଦେବାକୁ ପଡ଼ିବ। ତେବେ କ୍ୟୁଆର କୋଡ୍ ବିନା ବର୍ତ୍ତମାନର ପାନ୍ କାର୍ଡ ବୈଧ ରହିଛି ଏବଂ ଏଥିପାଇଁ ବାଧ୍ୟତାମୂଳକ ପରିବର୍ତ୍ତନର ଆବଶ୍ୟକତା ନାହିଁ।
ପ୍ୟାନ୍ ୨.୦ ପାଇଁ ଅନଲାଇନରେ ଆବେଦନ କରିବା ପ୍ରକ୍ରିୟା
ଷ୍ଟେପ ୧: ଆପଣଙ୍କ ପାନ୍ ପ୍ରଦାନକାରୀଙ୍କୁ ଚିହ୍ନଟ କରନ୍ତୁ: ପ୍ରଥମେ ଆପଣଙ୍କ ପାନ୍ କାର୍ଡର ପଛ ଭାଗ ଯାଞ୍ଚ କରି ଏହା ଏନଏସଡିଏଲ୍ କିମ୍ବା ୟୁଟିଆଇଆଇଟିଏସ୍ଏଲ୍ ଦ୍ୱାରା ଜାରି ହୋଇଛି କି ନାହିଁ ତାହା ନିର୍ଣ୍ଣୟ କରନ୍ତୁ। ଏହା ଗୁରୁତ୍ୱପୂର୍ଣ୍ଣ କାରଣ ପାନ୍ ସମ୍ବନ୍ଧୀୟ ସେବାଗୁଡିକର ପ୍ରକ୍ରିୟାକରଣ ପାଇଁ ଉଭୟ କର୍ତ୍ତୃପକ୍ଷଙ୍କ ପାଖରେ ଅଲଗା ଅଲଗା ପୋର୍ଟାଲ ରହିଛି।
ଏନଏସଡିଏଲ୍ ଜରିଆରେ ଇ-ପାନ୍ ପାଇଁ ଆବେଦନ
– ଅଫିସିଆଲ ଏନଏସଡିଏଲ ଇ-ପାନ ପୋର୍ଟାଲକୁ ଯାଆନ୍ତୁ।
– ନିଜର ପାନ୍ ନମ୍ବର, ଆଧାର ନମ୍ବର ଏବଂ ଜନ୍ମ ତାରିଖ ଦିଅନ୍ତୁ।
– ଆଗକୁ ବଢ଼ିବା ପୂର୍ବରୁ ସମସ୍ତ ବିବରଣୀ ଆପଣଙ୍କ ରେକର୍ଡ ସହିତ ମେଳ ଖାଉଥିବା ନିଶ୍ଚିତ କରନ୍ତୁ।
– ଓଟିପି ଯାଞ୍ଚ, ୱାନ୍ ଟାଇମ୍ ପାସୱାର୍ଡ (ଓଟିପି) ପାଇବା ପାଇଁ ନିଜ ପସନ୍ଦର ପଦ୍ଧତି ଚୟନ କରନ୍ତୁ ଏବଂ ୧୦ ମିନିଟ୍ ମଧ୍ୟରେ ଏହାକୁ ପ୍ରବେଶ କରନ୍ତୁ।
– ଇ-ପ୍ୟାନ୍ ଡାଉନଲୋଡ୍ କରନ୍ତୁ – ଯଦି ଆପଣଙ୍କ ଅନୁରୋଧ ପ୍ୟାନ୍ ଜାରି ହେବାର ୩୦ ଦିନ ମଧ୍ୟରେ କରାଯାଇଥାଏ, ତେବେ ଏହା ୩ଟି ପର୍ଯ୍ୟନ୍ତ ଅନୁରୋଧ ପାଇଁ ମାଗଣା ଅଟେ। ଏହାବ୍ୟତୀତ ୮.୨୬ ଟଙ୍କା ଶୁଳ୍କ (ଜିଏସଟିକୁ ମିଶାଇ) ଲାଗୁ ହେବ।
– ଇମେଲ୍ ଜରିଆରେ ପ୍ୟାନ୍ ପ୍ରାପ୍ତ କରନ୍ତୁ – ପ୍ରୋସେସିଂ ପରେ ୩୦ ମିନିଟ୍ ମଧ୍ୟରେ ଇ-ପାନ୍ ଆପଣଙ୍କ ପଞ୍ଜୀକୃତ ଇମେଲ୍ ଆଇଡିକୁ ପଠାଯିବ।
ୟୁଟିଆଇଆଇଟିଏସଏଲ ମାଧ୍ୟମରେ ଇ-ପାନ୍ ପାଇଁ ଆବେଦନ
– ୟୁଟିଆଇଟିଏସଏଲ୍ ଇ-ପାନ୍ ପୋର୍ଟାଲକୁ ଯାଆନ୍ତୁ।
– ଆପଣଙ୍କ ପାନ୍ ନମ୍ବର, ଜନ୍ମ ତାରିଖ ଏବଂ କ୍ୟାପ୍ଚା କୋଡ୍ ପ୍ରବେଶ କରନ୍ତୁ।
– ଇମେଲ୍ ଆଇଡି କୁ ନିଶ୍ଚିତ କରନ୍ତୁ କିମ୍ବା ଅପଡେଟ୍ କରନ୍ତୁ – ଯଦି ଆପଣଙ୍କ ଇମେଲ୍ ପଞ୍ଜୀକୃତ ହୋଇନାହିଁ, ତେବେ ସମ୍ପୂର୍ଣ୍ଣ ପାନ୍ ୨.୦ ସିଷ୍ଟମ୍ ଆରମ୍ଭ ହେବା ପରେ ଏହାକୁ ଅପଡେଟ୍ କରନ୍ତୁ।
– ଯଦି ପ୍ୟାନ୍ ଜାରି ହେବାର ୩୦ ଦିନ ମଧ୍ୟରେ ଆବେଦନ କରନ୍ତି, ତେବେ ଇ-ପାନ୍ ମାଗଣା। ନଚେତ୍ ୮.୨୬ ଟଙ୍କା ଚାର୍ଜ ଲାଗୁ ହେବ।
– ପ୍ରକ୍ରିୟା ଶେଷ ହେବା ପରେ ଆପଣଙ୍କ ଇ-ପାନ୍ ଆପଣଙ୍କ ପଞ୍ଜିକୃତ ଆଇଡିକୁ ପିଡିଏଫ ଫର୍ମାଟରେ ଇମେଲ୍ କରାଯିବ।
ପ୍ୟାନ୍ ୨.୦ର ପ୍ରମୁଖ ବୈଶିଷ୍ଟ୍ୟ
ବର୍ତ୍ତମାନର ପାନ୍ ଧାରକଙ୍କ ପାଇଁ କୌଣସି ପରିବର୍ତ୍ତନ ଆବଶ୍ୟକ ନାହିଁ – ଯଦି ଆପଣଙ୍କ ପାଖରେ QR କୋଡ୍ ବିନା ପୁରୁଣା ପାନ୍ ଅଛି, ତେବେ ଏହା ବୈଧ ଏବଂ ବ୍ୟବହାର ଉପଯୋଗୀ ରହିବ।
କଣ ରହିଛି ପାନ୍ ବିକଳ୍ପ:
– ୩୦ ଦିନ ମଧ୍ୟରେ ୩ ଥର ପର୍ଯ୍ୟନ୍ତ ମାଗଣାରେ ଉପଲବ୍ଧ; ପରବର୍ତ୍ତୀ ସମୟରେ ଅନୁରୋଧ ପାଇଁ ୮.୨୬ ଟଙ୍କା ଶୁଳ୍କ ଦେବାକୁ ପଡ଼ିଥାଏ।
– ଫିଜିକାଲ ପାନ୍ କାର୍ଡ: ୫୦ ଟଙ୍କା (ଘରୋଇ ଡେଲିଭରି) ଅନ୍ତର୍ଜାତୀୟ ଡେଲିଭରି ପାଇଁ ୧୫ ଟଙ୍କା + ଡାକ ଶୁଳ୍କ ଦେବାକୁ ପଡିବ।
– ମାଗଣା ପାନ୍ ଅପଡେଟ୍ – ଉପଭୋକ୍ତାମାନେ ବିନା ଅତିରିକ୍ତ ଦେୟରେ ଇମେଲ୍ ଠିକଣା ପରି ବିବରଣୀ ପରିବର୍ତ୍ତନ କରିପାରିବେ।
– ନୂଆ କ୍ୟୁଆର୍ କୋଡେଡ୍ ପ୍ୟାନ୍ ଯାଞ୍ଚ ଶୀଘ୍ର ହୋଇଥାଏ ଏବଂ ଠକେଇର ବିପଦ ନ ଥାଏ।
Comments are closed.