ହରଭଙ୍ଗା: ହରଭଙ୍ଗା ବ୍ଲକ ସାମ୍ବାଦିକ ସଂଘର ନୂତନ କର୍ମକର୍ତ୍ତା ଚୟନ ନିମନ୍ତେ ବୁଧବାର ଚାରିଛକ ବନବିଶ୍ରାମଗାରରେ ସାମ୍ବାଦିକ ନରେନ୍ଦ୍ର ସାହୁଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ସର୍ବସମ୍ମତିକ୍ରମେ ସଂଘର ଉପଦେଷ୍ଟା ଭାବେ ସୁରେନ କୁମାର ପ୍ରଧାନ, ରତ୍ନାକର ବେହେରା, ସଭାପତି ଭାବେ ନରେନ୍ଦ୍ର କୁମାର ସାହୁ, ଉପସଭାପତି ଭାବେ ପ୍ରିତିରଞ୍ଜନ ଦାସ, ସମ୍ପାଦକ ଭାବେ ତୁଷାରକାନ୍ତ ସାହୁ, ସହ ସମ୍ପାଦକ ଭାବେ ଦୁର୍ୟ୍ୟୋଧନ ବିଶି, କୋଷାଧ୍ୟକ୍ଷ ଭାବେ ସଚିନ୍ଦ୍ର କୁମାର ସାହୁଙ୍କୁ ମନୋନୀତ କରାଯାଇଛି। ବୈଠକରେ ସଭ୍ୟ ଅଜିତ କୁମାର ବାରିକ, ସୌମ୍ୟରଞ୍ଜନ ସାହୁ, ଶ୍ରୀନିବାସ ସାହୁ, ମାନସ କୁମାର ମହାରଥା, ଜଗନ କୁମାର ସାହୁ ପ୍ରମୁଖ ଉପସ୍ଥିତ ଥିଲେ। ଆଗାମୀ ଦିନରେ ସଂଘ ପକ୍ଷରୁ ବିଭିନ୍ନ ସମାଜସେବା କାର୍ଯ୍ୟକ୍ରମ ହାତକୁ ନିଆଯିବା ପାଇଁ ନିଷ୍ପତ୍ତି ଗ୍ରହଣ କରାଯାଇଛି। ଏହା ସହିତ ସଂଘର ନୂତନ କାର୍ଯ୍ୟାଳୟ ସାଙ୍ଗକୁ ବ୍ଲକରେ ବିଭିନ୍ନ ଉନ୍ନୟନ କାର୍ଯ୍ୟରେ ଚାଲିଥିବା ଆଖିବୁଜା ଦୁର୍ନୀତି ଉପରେ ସାମ୍ବାଦିକମାନଙ୍କ ପକ୍ଷରୁ କଡା ଆଭିମୁଖ୍ୟ ଗ୍ରହଣ କରିବାକୁ ନିଷ୍ପତ୍ତି ଗ୍ରହଣ କରାଯାଇଛି। ଶେଷରେ ସୌମ୍ୟ ରଞ୍ଜନ ସାହୁ ଧନ୍ୟବାଦ ଅର୍ପଣ କରିଥିଲେ।
Comments are closed.