କଟକ: ସ୍ୱନାମଧନ୍ୟ ଗୀତିକାର ଗୁରୁକୃଷ୍ଣ ଗୋସ୍ୱାମୀଙ୍କ ଆଜି ତାଙ୍କ କଟକ ସେଲ୍ଟର ଛକ ସ୍ଥିତ ବାସଭବନରେ ଦେହାନ୍ତ ହୋଇଯାଇଛି। ମୃତ୍ୟୁବେଳକୁ ତାଙ୍କୁ ୮୪ ବର୍ଷ ହୋଇଥିଲା। ଫୁଲେଇ ରାଣୀ ସଜଫୁଲ ଗୁଲୁଗୁଲିଆ…, ମୁଁ ଜାଣେନା କାହା ବାଟ…. ପରି ଅନେକ ଲୋକପ୍ରିୟ ଓ ଚିରସବୁଜ ଗୀତ ରଚନା କରି ସେ ଓଡ଼ିଆ ସିନେମା ଜଗରେ ଏକ ଅଭୁଲା ଛାପ ଛାଡ଼ି ଯାଇଛନ୍ତି। ତାଙ୍କ ବିୟୋଗରେ ଓଡ଼ିଆ ସିନେ ମହଲରେ ଗଭୀର ଶୋକର ଛାୟା ଖେଳିଯାଇଛି। ଅନେକ ମାନ୍ୟଗଣ୍ୟ ବ୍ୟକ୍ତି, ସିନେ କଳାକାର, ବୁଦ୍ଧିଜୀବୀ, ଗୀତିକାର, ସଙ୍ଗୀତକାର ତାଙ୍କ ପାର୍ଥିବ ଶରୀରକୁ ଶେଷ ସମ୍ମାନ ଜଣାଇଛନ୍ତି।
