ବଢିଲା ସୁନାଦର – ୧୦ ଗ୍ରାମକୁ ଏବେ ଏତିକି ଟଙ୍କା

ନୂଆଦିଲ୍ଲୀ – ସୁନା ଦର ଏବେ ବୃଦ୍ଧି ପାଇଛି । ୧୦ ଗ୍ରାମ ସୁନାଦର ରାଜଧାନୀ ଦିଲ୍ଲୀରେ ୬୦,୭୭୫ ଟଙ୍କାରେ ପହଞ୍ଚିଛି । ମାତ୍ର ରୂପା ଦର କିଲୋପ୍ରତି ୫୦ ଟଙ୍କା ହ୍ରାସ ପାଇଛି । ମଙ୍ଗଳବାରରେ ରାଜଧାନୀର ସରଫା ବା ସୁନାଗହଣା ବଜାରରେ ସୁନାଦର ପ୍ରତି ୧୦ ଗ୍ରାମ  ୩୭୫ ଟଙ୍କା ବୃଦ୍ଧି ପାଇଥିଲା । ଏଚ୍‌ଡିଏଫ୍‌ସି ସିକ୍ୟୁରିଟି ଅନୁସାରେ ଅନ୍ତର୍ଜାତୀୟ ବଜାରରେ ସୁନାଦର ବୃଦ୍ଧି ପାଉଥିବାରୁ ଦେଶରେ ସୁନାଦର ବୃଦ୍ଧି ପାଇଛି ।

ପୂର୍ବରୁ ସୁନାଦର ୬୦,୪୦୦ ଟଙ୍କା ରହିଥିଲା । ଅନ୍ତର୍ଜାତୀୟ ବଜାରରେ ସୁନା ଦର ପ୍ରତି ଆଉନସ୍‌ ୧୯୫୬ ଆମେରିକୀୟ ଡଲାର ରହିଛି । ରୂପା ଦର ଆଉନସ୍‌ ପରି ୨୩.୪୩ ଆମେରିକୀୟ ଡଲାର ରହିଛି ।

ରୂପା ଦର ସାମାନ୍ୟ ହ୍ରାସ ପାଇଛି । କିଲୋ ପ୍ରତି ଏହା ୫୦ ଟଙ୍କା ହ୍ରାସ ପାଇଛି । ଏବେ ରୂପା କିଲୋ ୭୨,୯୫୦ ଟଙ୍କା ରହିଛି ।

Comments are closed.