ମୁମ୍ବଇ: ସାଧାରଣତନ୍ତ୍ର ଦିବସ ଅବସରରେ ପ୍ରଶଂସକଙ୍କୁ ଖାସ୍ ଉପହାର ଦେଇଛନ୍ତି ବଲିଉଡ଼ ଅଭିନେତା ଅକ୍ଷୟ କୁମାର। ସେହି ଉପହାରଟି ହେଉଛି FAU-G ଗେମ୍। ମଙ୍ଗଳବାର ଭାରତର ବହୁ ଚର୍ଚ୍ଚିତ ତଥା ମେଡ଼୍ ଇନ୍ ଇଣ୍ଡିଆ ଗେମ୍ ଆପ୍ FAU-Gକୁ ଲଞ୍ଚ୍ କରାଯାଇଛି। ଏନେଇ ଅକ୍ଷୟ ନିଜେ ସାମାଜିକ ଗଣମାଧ୍ୟମ ଜରିଆରେ ସୂଚନା ଦେଇଛନ୍ତି।
ନିଜ ଇନ୍ଷ୍ଟାଗ୍ରାମ ଆକାଉଣ୍ଟରେ ସେ FAU-G ଗେମ୍ ସମ୍ବନ୍ଧୀୟ ଏକ ଟିଜର୍ ଭିଡିଓ ପୋଷ୍ଟ କରିଛନ୍ତି। ଏହି ଭିଡିଓରେ ଅକ୍ଷୟ ଗେମ୍ର ସମସ୍ତ ଚରିତ୍ରମାନଙ୍କ ସହ ପରିଚୟ କରାଇଛନ୍ତି। ଏହା ସହିତ ସେ ଲେଖିଛନ୍ତି, “FAU-G : ଫିୟରଲେସ୍ ଆଣ୍ଡ୍ ୟୁନାଇଟେଡ଼୍ ଗାର୍ଡ଼୍ସ। ଶତ୍ରୁକୁ ସାମ୍ନା କରନ୍ତୁ । ନିଜ ଦେଶ ପାଇଁ ଯୁଦ୍ଧ କରନ୍ତୁ। ଆମ ଜାତୀୟ ପତାକାକୁ ସୁରକ୍ଷା ଦିଅନ୍ତୁ। ଆପଣଙ୍କ ପାଇଁ FAU-G ଆସିଯାଇଛି। ଆଜି ହିଁ ଆପଣଙ୍କ ମିଶନ ଆରମ୍ଭ କରନ୍ତୁ। ବର୍ତ୍ତମାନ ଡାଉନଲୋଡ଼୍ କରନ୍ତୁ”।
View this post on Instagram
ଅକ୍ଷୟଙ୍କ ଏହି ପୋଷ୍ଟ ଓ ଟିଜର୍ ଭିଡିଓ ସାମାଜିକ ଗଣମାଧ୍ୟମରେ ଖୁବ୍ ଭାଇରାଲ୍ ହେବାରେ ଲାଗିଛି। ଭାରତୀୟ ଟେକ୍ନୋଲୋଜି କମ୍ପାନୀ nCore ଗଣତନ୍ତ୍ର ଦିବସ ଅବସରରେ FAU-G ଗେମ୍ ଲଞ୍ଚ୍ କରିଛି।
