ଡେସ୍କ: ରାୟଗଡା ରେଳ ମଣ୍ଡଳର ପ୍ରଥମ ମଣ୍ଡଳ ରେଳବାଇ ପ୍ରବନ୍ଧକ (ଡିଆରଏମ) ଭାବେ ଆଜି ଅମିତାଭ ସିଂଘଲ ଦାୟିତ୍ୱ ଗ୍ରହଣ କରିଛନ୍ତି। ରାଜ୍ୟର ରାୟଗଡା, କୋରାପୁଟ, ଗଜପତି, ନବରଙ୍ଗପୁର, ମାଲକାନଗିରି ଏବଂ କଳାହାଣ୍ଡିର ଆଦିବାସୀ ଏବଂ ଆକାଂକ୍ଷୀ ଜିଲ୍ଲାଗୁଡ଼ିକ ଉପରେ ବିଶେଷ ଧ୍ୟାନ ଦେବା ସହ ରେଳ ବିକାଶ କ୍ଷେତ୍ରରେ ରାୟଗଡା ରେଳ ମଣ୍ଡଳ ପ୍ରମୁଖ ଭୂମିକା ଗ୍ରହଣ କରିବ।
ଶ୍ରୀ ସିଂଘଲ ଏନଆଇଟି ତ୍ରିଚିରୁ ବୈଦ୍ୟୁତିକ ଏବଂ ଇଲେକ୍ଟ୍ରୋନିକ୍ସ ଇଞ୍ଜିନିୟରିଂରେ ସ୍ନାତକ ପରେ ୧୯୯୯ ମସିହାରେ ସହାୟକ ମଣ୍ଡଳ ବୈଦ୍ୟୁତିକ ଇଞ୍ଜିନିୟର ଭାବରେ ଭାରତୀୟ ରେଳରେ ଯୋଗ ଦେଇଥିଲେ। ବନ୍ଦେ ଭାରତ ଏକ୍ସପ୍ରେସ (ଟ୍ରେନ-୧୮) ର ଡିଜାଇନ୍, ନିର୍ମାଣ ଏବଂ କାର୍ଯ୍ୟକ୍ଷମ ସହିତ ରେଳ ବିଦ୍ୟୁତୀକରଣରେ ସମେତ ପ୍ରମୁଖ ପ୍ରକଳ୍ପଗୁଡ଼ିକରେ ତାଙ୍କର ଗୁରୁତ୍ୱପୂର୍ଣ୍ଣ ଅବଦାନ ରହିଛି।
Comments are closed.