ନାଗିନ୍ର ସିଜନ୍-୩ରେ ମୌନୀ ରାୟ ନଥିବା ତାଙ୍କ ପ୍ରଶଂସକମାନଙ୍କୁ ନିରାଶ କରିଥିଲା। ହେଲେ, ଖୁବ୍ ଶୀଘ୍ର ଏକତା କପୁରଙ୍କ ନୂଆ ୱେବ୍ସିରିଜ୍ ‘ମେହରୁନ୍ନିସା’ରୁ ଛୋଟ ପରଦାକୁ ଫେରୁଛନ୍ତି ମୌନୀ। ଏକତା ତାଙ୍କର କେତୋଟି ନୂଆ ଧାରାବାହିକ ପ୍ରସାରଣ କରିବାର ଯୋଜନା କରିଛନ୍ତି। ଏଗୁଡିକ ସମ୍ପର୍କରେ କିଛି ଜଣାପଡିନଥିଲେ ମଧ୍ୟ ମୌନୀ ଏହି ନୂଆ ଶୋ’ରେ ସାମିଲ ହେଉଥିବା ଜଣାଯାଇଛି। ଏକତା କପୁରଙ୍କ ଏଏଲ୍ଟି ବାଲାଜୀ ଏବଂ ନିର୍ମାତା ଓ ଲେଖକ କେନ୍ ଘୋଷଙ୍କର ଏହି ମିଳିତ ପ୍ରୋଜେକ୍ଟରେ ମୌନୀ ଆସୁଛନ୍ତି। ଏପରିକି ସେ ଏଥିପାଇଁ କାମ କରିବା ଆରମ୍ଭ କରିଦେଲେଣି। ନିକଟରେ ମୌନୀ ଖୁବ୍ ଧ୍ୟାନ ସହକାରେ ଏହାର ସ୍କ୍ରିପ୍ଟ ପଢୁଥିବା ଫଟୋ ଭାଇରାଲ ହୋଇଥିଲା। ଆଗାମୀ ଅଗଷ୍ଟରେ ତାଙ୍କର ବଲିଉଡ୍ର ପ୍ରଥମ ଫିଲ୍ମ ‘ଗୋଲ୍ଡ’ ମୁକ୍ତିଲାଭ କରିବାକୁ ଯାଉଥିବା ବେଳେ ଆଉ ଏକ ବଡ ବଜେଟ୍ର ଫିଲ୍ମ ‘ବ୍ରହ୍ମାସ୍ତ୍ର’ରେ ମଧ୍ୟ ସେ ଆସୁଛନ୍ତି। ‘ମେହରୁନ୍ନିସା’ରେ ତାଙ୍କ ବିପକ୍ଷରେ ଋତ୍ୱିକ ଧନଜାନୀ, ମୋହିତ ରୈନା କିମ୍ବା ଅର୍ଜୁନ ବିଜଲାନି ସଲିମ ଭୂମିକାରେ ଅଭିନୟ କରିପାରନ୍ତି।
