ମୁକ୍ତିଲାଭ କଲା ‘ଏକ ଲଡ଼କି କୋ ଦେଖା ତୋ ଏସା ଲଗା’ର ଟ୍ରେଲର
ମୁମ୍ବଇ : ଅନୀଲ କପୁର, ସୋନମ କପୁର ଓ ରାଜକୁମାର ରାଓ ଅଭିନୀତ ଚଳଚ୍ଚିତ୍ର ‘ଏକ ଲଡ଼କି କୋ ଦେଖା ତୋ ଏସା ଲଗା’ର ଟ୍ରେଲର ମୁକ୍ତିଲାଭ କରିଛି। ‘ଏକ୍ ଲଡ଼କି କୋ ଦେଖା ତୋ ଏସା ଲଗା’ କାହାଣୀ ଲଭ୍ଷ୍ଟୋରୀ ଉପରେ ଆଧାରିତ। ଅଭିନେତ୍ରୀ ସୋନମ କପୁର ଏହି ଚଳଚ୍ଚିତ୍ରରେ ମୁଖ୍ୟ ଭୁମିକାରେ ଅଭିନୟ କରିଛନ୍ତି। ଏହି ଚଳଚ୍ଚିତ୍ରରେ ସୋନମଙ୍କ ବିପକ୍ଷରେ ରାଜକୁମାର ରାଓଙ୍କୁ ଦେଖିବାକୁ ମିଳିବ। ପ୍ରଥମଥର ପାଇଁ ଅଭିନେତା ଅନିଲ କପୁର ଏହି ଚଳଚ୍ଚିତ୍ରରେ ନିଜ ଝିଅ ସୋନମ କପୁରଙ୍କ ସହ ଅଭିନୟ କରିଛନ୍ତି। ଏମାନଙ୍କୁ ଛାଡିଲେ ସିନେମାରେ ଜୁହି ଜାୱଲା ବିଶେଷ ଭୂମିକାରେ ଅଭିନୟ କରିଛନ୍ତି। ଦର୍ଶକ ଜୁହି ଜାୱଲା ଓ ଅନିଲ କପୁରଙ୍କ ଜୋଡ଼ିକୁ ପରଦା ଉପରେ ଦେଖିବାକୁ ପାଇବେ। ଶୈଳୀ ଚୋପ୍ରା ଏହି ସିନେମାର ନିର୍ଦ୍ଦେଶନା ଦେଇଥିବା ବେଳେ ବିଧୁ ବିନୋଦ ଚୋପ୍ରା ଏହାର ପ୍ରଯୋଜନା ଭାର ସମ୍ଭାଳିଛନ୍ତି। ଫେବୃଆରୀ ୧ରେ ମୁକ୍ତିଲାଭ କରିବ ଏହି ଚଳଚ୍ଚିତ୍ର।