ଭୁବନେଶ୍ବର : ଖୋଲୁଛି ହାଇପ୍ରୋଫାଇଲ ଠକ ଦମ୍ପତିଙ୍କ କଳା ସାମ୍ରାଜ୍ୟର ଗୁମର। କୋଟିପତି ହେବା ପଛର ଖିଅ ଖୋଜୁଛି ଆୟକର ବିଭାଗ। ରାଜଧାନୀରୁ ଗିରଫ ହାଇପ୍ରୋଫାଇଲ ଠକ ଦମ୍ପତିଙ୍କ ଘରେ ଆଜି ବି ଚଢାଉ କରୁଛି ଆୟକର ବିଭାଗ । ହଂସିତାଙ୍କ ସ୍ବାମୀ ତଥା କଂଗ୍ରେସ ନେତା ମନୋଜ ଆଚାର୍ଯ୍ୟଙ୍କ ଘରେ ଏବଂ ବାଲିଗୁଡ଼ା ସ୍ଥିତ ଘରେ ଚଢାଉ ଜାରି ରହିଛି। ସେପଟେ ଭୁବନେଶ୍ବରରେ ତାଙ୍କ ସହଯୋଗୀ ଅନୀଲ ମହାନ୍ତିଙ୍କ ଘରେ ମଧ୍ୟ ରେଡ୍ କରାଯାଉଛି। ମଙ୍ଗଳବାର ବିଭାଗ ପକ୍ଷରୁ ଭୁବନେଶ୍ୱରରେ ଥିବା କମ୍ପାନୀ, କାର୍ଯ୍ୟାଳୟ ଓ ଘର ସମେତ ୧୨ଟି ସ୍ଥାନରେ ଏକସଙ୍ଗେ ଚଢ଼ଉ କରି ଅନେକ ଗୁରୁତ୍ବପୂର୍ଣ୍ଣ କାଗଜପତ୍ର ଜବତ କରାଯାଇଛି । ଅଭିଯୁକ୍ତ ଅନିଲ ମହାନ୍ତିଙ୍କ ଦାମିକିଆ କାର୍ ଦୁଇଟି ପୋରସେ ଓ ଜାଗୁଆରକୁ ଆୟକର ବିଭାଗ ଜବତ କରିଛି। ଠକ ଦମ୍ପତିଙ୍କୁ ରିମାଣ୍ଡରେ ଆଣି ଜେରା କରିବାକୁ କମିସନରେଟ ପୁଲିସ ଲକ୍ଷ୍ୟ ରଖିଛି। ଏନେଇ ପୁଲିସ ଅଦାଲତରେ ଆବେଦନ କରିସାରିଛି।
Comments are closed.