ସାଧାରଣତଃ ଗର୍ଭାବସ୍ଥାରେ ଖାଦ୍ୟ-ପାନୀୟ ଉପରେ ବିଶେଷ ଧ୍ୟାନ ଦେବା ସହ ସତର୍କ ରହିବାକୁ ଡାକ୍ତର ପରାମର୍ଶ ଦେଇଥାଆନ୍ତି। କାରଣ ଏହି ସମୟରେ ଟିକିଏ ଅସାବଧାନତା ଯୋଗୁଁ ଗର୍ଭସ୍ଥ ଶିଶୁକୁ କ୍ଷତି ପହଞ୍ଚିଥାଏ। ଏପରି କିଛି ଖାଦ୍ୟ ଅଛି, ଯାହାକୁ ଏହି ସମୟରେ ଖାଇଲେ ଗର୍ଭପାତ ହେବାର ସମ୍ଭାବନା ମଧ୍ୟ ଥାଏ। ତେବେ ଆସନ୍ତୁ ଜାଣିବା, ଗର୍ଭାବସ୍ଥାରେ କେଉଁ ସବୁ ଖାଦ୍ୟ ଖାଇବା ଉଚିତ ନୁହେଁ –
ଅମୃତଭଣ୍ଡା : ଗର୍ଭାବସ୍ଥାର ଆରମ୍ଭରେ କଞ୍ଚା ଅମୃତଭଣ୍ଡା ଖାଇଲେ ଗର୍ଭପାତ ଆଶଙ୍କା ବଢ଼ିଥାଏ। ଅମୃତଭଣ୍ଡାରେ ପପେନ ନାମକ ଏକ ତତ୍ତ୍ୱ ରହିଛି, ଯାହା ଗର୍ଭସ୍ଥ ଶିଶୁର ବିକାଶରେ ବାଧା ସୃଷ୍ଟି କରିଥାଏ। ତେବେ ପ୍ରସବ ପରେ ଆପଣ ଅମୃତଭଣ୍ଡା ଖାଇପାରିବେ।
ଅଙ୍ଗୁର : ଗର୍ଭାବସ୍ଥାରେ ମହିଳାମାନେ ଅଙ୍ଗୁର ଖାଇବା ଉଚିତ ନୁହେଁ। ଏହା ଗର୍ଭସ୍ଥ ଶିଶୁ ପାଇଁ ହାନିକାରକ ସାବ୍ୟସ୍ତ ହୋଇଥାଏ।
ସପୁରୀ : ଗର୍ଭାବସ୍ଥାରେ ସପୁରୀ ଖାଇବା କ୍ଷତିକାରକ ହୋଇଥାଏ। ସପୁରୀରେ ବ୍ରୋମେଲିନ୍ ଅଧିକ ଥିବାରୁ ଶୀଘ୍ର ପ୍ରସବ ସମ୍ଭାବନା ବଢ଼ିଥାଏ।
ଚା’, କଫି: ଗର୍ଭାବସ୍ଥାରେ ଚା’ କିମ୍ବା କଫି ଆଦୌ ପିଇବା ଉଚିତ ନୁହେଁ। ଏହା ଗର୍ଭସ୍ଥ ଶିଶୁର ବିକାଶରେ ବାଧା ସୃଷ୍ଟି କରିଥାଏ।
ଜଙ୍କ୍ଫୁଡ୍ : ଗର୍ଭବତୀ ଜଙ୍କ୍ଫୁଡ୍ଠାରୁ ମଧ୍ୟ ଦୂରେଇ ରହିବା ଉଚିତ୍।
