ଲକ୍ଷ୍ନୌ : ଉତ୍ତରପ୍ରଦେଶ ବାନ୍ଦା ଜିଲାରେ ଏକ ହୃଦୟସ୍ପର୍ଶୀ ଘଟଣା ସାମ୍ନାକୁ ଆସିଛି। ଏହି ଜିଲାର ଅତାରା ବିଜ୍ଞାପିତ ଅଞ୍ଚଳର ଏକ ପାଳିତ କୁକୁର ଯୋଗୁଁ ୩୦ ଲୋକଙ୍କ ଜୀବନ ବଞ୍ଚିଯାଇଛି। ସୂଚନା ଅନୁସାରେ ଅତାରା ବିଜ୍ଞାପିତ ଅଞ୍ଚଳସ୍ଥିତ ଏକ କୋଠାରେ ଗୁରୁବାର ରାତିରେ ନିଆଁ ଲାଗିଯାଇଥିଲା। ସେହି କୋଠାରେ ରହୁଥିବା ଜଣଙ୍କ ପାଳିତ କୁକୁର ଭୁକି ଭୁକି ଲୋକଙ୍କୁ ସତର୍କ କରାଇଥିଲା। ଫଳରେ ଲୋକେ ଘରୁ ପଦାକୁ ବାହାରି ଜୀବନ ରକ୍ଷା କରିଥିଲେ। ମାତ୍ର ସେଠାରେ ଏକ ସିଲିଣ୍ଡର ବିସ୍ଫୋରଣରେ କୁକୁରଟି ପ୍ରାଣ ହରାଇଛି।
ପୁଲିସ୍ କହିବା ଅନୁସାରେ କୋଠାର ତଳ ମହଲାରେ ଥିବା ଏକ ଫର୍ଣ୍ଣିଚର ଦୋକାନରେ ନିଆଁ ଲାଗିଥିଲା। ପର୍ଣ୍ଣିଚର ଦୋକାନରୁ ଧୂଆଁ ବାହରୁଥିବା ଦେଖି କୁକୁରଟି ଜୋରେ ଜୋରେ ଭୁକିଥିଲା। କୋଠାରେ ଉପର ମହଲାରେ ରହୁଥିବା ନିଜ ମାଲିକ ପରିବାର ଲୋକଙ୍କୁ ସତର୍କ କରାଇବାକୁ ପାଳିତ କୁକୁରରଟି ଭୁକି ଚାଲିଥିଲା। କୁକୁର ଯୋଗୁଁ କୋଠରେ ରହୁଥିବା ତାର ମାଲିକ ଓ ଅନ୍ୟ ଲୋକମାନେ ସତର୍କ ହୋଇଯାଇଥିଲେ। କିଛି ସମୟ ମଧ୍ୟରେ ସେମାନେ ଘରୁ ବାହାରକୁ ଯାଇ ଜୀବନ ରକ୍ଷା କରିଥିଲେ। ହେଲେ ସେଠାରେ ଥିବା ଏକ ଗ୍ୟାସ ସିଲିଣ୍ଡର ବିସ୍ଫୋରଣରେ କୁକୁରଟି ପ୍ରାଣ ହରାଇଛି। ଅଗ୍ନିକାଣ୍ଡରେ କୋଠାର ୪ଟି ମହଲା କ୍ଷତିଗ୍ରସ୍ତ ହୋଇଛି। ଦୁର୍ଘଟଣାରୁ ବର୍ତ୍ତିଯାଇଥିବା ଲୋକମାନେ କକୁରକୁ ଧନ୍ୟବାଦ ଜ୍ଞାପନ କରିଛନ୍ତି।
Comments are closed.