ନୂଆଦିଲ୍ଲୀ: ଜଣେ ମହିଳା ଗଳଳାରେ ଯନ୍ତ୍ରଣା ଅନୁଭବ କରିବାରୁ ଡାକ୍ତରଙ୍କ ନିକଟକୁ ଗଲେ। ସେ ଭାବିଥିଲେ ଥଣ୍ଡା କିମ୍ବା ଟନ୍ସିଲ୍ ସଂକ୍ରମଣ କାରଣରୁ ଏପରି ହେଉଥିବ। ମାତ୍ର ତାଙ୍କ ଗଳାରୁ ଯାହା ବାହାରିଲା ତାକୁ ଦେଖି ମହିଳାଙ୍କ ସମେତ ଡାକ୍ତର ମଧ୍ୟ ଚମକି ପଡ଼ିଥିଲେ। ମହିଳାଙ୍କ ଟନ୍ସିଲ୍ରୁ ବାହାରିଥିଲା ୧.୫ ଇଞ୍ଚ ଲମ୍ବା ଓ ୧ ମିମି. ଚଉଡ଼ାରର ଜିଆ ସଦୃଶ ଏକ ଜୀବନ୍ତ କୀଟ(ବ୍ଳାକ୍ ୱାର୍ମ)।
ସୂଚନା ଅନୁସାରେ, ଜାପାନର ଟୋକିଓ ସହରରେ ବାସ କରୁଥିବା ଜଣେ ୨୫ ବର୍ଷିୟା ମହିଳା ଗଳାରେ ଯନ୍ତ୍ରଣା ଅନୁଭବ କରିବାରୁ ଡାକ୍ତରଖାନା ଯାଇଥିଲେ। ସେଠାରେ ଅନେକ ପରୀକ୍ଷା ନୀରିକ୍ଷା ପରେ ଡାକ୍ତର ଜାଣିବାକୁ ପାଇଥିଲେ ଯେ ମହିଳାଙ୍କ ବାମ ଟନ୍ସିଲ୍ରେ ଏକ ଲମ୍ବା କୀଟ ରହିଛି। ଏହାପରେ ଡାକ୍ତର ଜୀବନ୍ତ ଅବସ୍ଥାରେ ଥିବା ସେହି କୀଟକୁ ତାଙ୍କ ଗଳାରୁ ବାହାର କରିଥିଲେ।
ତେବେ ଏତେ ବଡ଼ କୀଟ କିପରି ଗଳାରେ ପ୍ରବେଶ କଲା କିମ୍ବା ଜନ୍ମ ହେଲା ତାହା କେହି ବୁଝି ପାରୁନଥିଲେ। ପରେ ଜଣା ପଡିଲା ଯେ ମହିଳା ଜଣକ ପାଞ୍ଚ ଦିନ ପୂର୍ବରୁ ସାଶିମି ନାମକ ଏକ ଖାଦ୍ୟ ଖାଇଥିଲେ । ଏହି ଖାଦ୍ୟ କଞ୍ଚା ମାଂସ କିମ୍ବା ମାଛରେ ତିଆରି ହୋଇଥାଏ । ସାଶିମି ଜାପାନରେ ଏକ ଭଲ ଖାଦ୍ୟ ଭାବରେ ବିବେଚନା କରାଯାଏ । ଏହା କଞ୍ଚା ହୋଇଥିବା ହେତୁ ଏଥିରେ ଥିବା କୀଟପତଙ୍ଗ ବୋଧହୁଏ ମଣିଷ ଶରୀରକୁ ଯାଇଥାଆନ୍ତି। ମହିଳାଙ୍କ ସହ ମଧ୍ୟ ସମାନ ଘଟଣା ଘଟିଥିଲା । ଏହାକୁ ଖାଇବାର ପାଞ୍ଚ ଦିନ ପରେ ମହିଳାଙ୍କ ଗଳା ଯନ୍ତ୍ରଣା ହୋଇଥିଲା। ଯେଉଁଥିପାଇଁ ସେ ଡାକ୍ତରଙ୍କ ନିକଟକୁ ଯାଇଥିଲେ।
