ଦୀପାବଳିରେ ମା’ଙ୍କ ଲକ୍ଷ୍ମୀଙ୍କ ପୂଜାର ବିଶେଷ ବିଧାନ ରହିଛି। ଯାହାର ପାଳନ କଲେ ମା’ ପ୍ରସନ୍ନ ହୋଇ ଭକ୍ତଙ୍କର ଧନ ସହ ଜଡ଼ିତ ସମସ୍ୟାର ସମାଧାନ କରିଥାଆନ୍ତି। ତେଣୁ ସଭିଏଁ ମା’ଙ୍କୁ ପ୍ରସନ୍ନ କରିବା ପାଇଁ ଚେଷ୍ଟା କରିଥାଆନ୍ତି। ଏହି କାରଣରୁ ଧନତେରାସ ଦିନ ସୁନା-ଚାନ୍ଦି, ବହୁ ଧାତୁ ଓ ଅନ୍ୟାନ୍ୟ ଜିନିଷ କିଣିଥାଆନ୍ତି। ମାତ୍ର କେତେକ ଛୋଟ ଜିନିଷ ରହିଛି ଯାହାକୁ ଦୀପାବଳି ଦିନ କିଣିବା ଦ୍ୱାରା ମା’ଲକ୍ଷ୍ମୀଙ୍କ ବିଶେଷ କୃପା ମିଳିଥାଏ ଓ ଗୃହରେ ବର୍ଷସାରା ଟଙ୍କାପଇସାର ଅଭାବ ହୋଇନଥାଏ , ସୁଖଶାନ୍ତିରେ ଘର ପୂରି ଉଠେ ଜାଣନ୍ତୁ ….
ଧାତୁ କଇଁଛ –
ଅଧିକାଂଶ ଲୋକେ ଜାଣିଥିବେ ଯେ, ପିତ୍ତଳ ଧାତୁରେ ନିର୍ମିତ କଇଁଛ ପେଙ୍ଗସୁଇ ଅନୁଯାୟୀ ଶୁଭ। ମାତ୍ର ବାସ୍ତୁ ଶାସ୍ତ୍ରରେ କଇଁଛର ଏକ ବିଶେଷ ସ୍ଥାନ ରହିଛି। ଧାତୁରେ ନିର୍ମିତ କଇଁଛ ଦୀପାବଳିରେ କିଣି ଘରକୁ ଆଣିଲେ ଗୃହର ବହୁ ବାଧାବିଘ୍ନ ଦୂର ହୋଇଥାଏ। ଏହାକୁ ସୁଖଶାନ୍ତିର ପ୍ରତୀକ ବୋଲି ମଧ୍ୟ କୁହାଯାଏ।
ପିତ୍ତଳର ପିରାମିଡ଼ –
ଦୀପାବଳିରେ ପିତ୍ତଳ କିମ୍ବା ତମ୍ବାରେ ନିର୍ମିତ ପିରାମିଡ଼ କିଣି ଆଣନ୍ତୁ। ଏହାକୁ ଘରର ସେ ସ୍ଥାନରେ ରଖନ୍ତୁ ଯେଉଁଠାରେ ପରିବାର ସଦସ୍ୟ ଅଧିକ ସମୟ ଅତିବାହିତ କରୁଛନ୍ତି। ଏପରି କରିବା ଦ୍ୱାରା ଧନ ବୃଦ୍ଧି ସହ ପରସ୍ପର ମଧ୍ୟରେ ହସଖୁସିର ବାତାବରଣ ରହିଥାଏ।
ମାଟି ସୁରେଇ –
ଦୀପାବଳି ଦିନ ମାଟିର ଏକ ସୁରେଇ କିମ୍ବା ମାଠିଆ କିଣି ପାଣି ଭର୍ତ୍ତି କରି ଘରର ଉତ୍ତର ଦିଗରେ ରଖନ୍ତୁ। ଏପରି କରିବା ଦ୍ୱାରା ଆପଣଙ୍କ ଘରେ କଦାପି ଟଙ୍କାର ଅଭାବ ହେବ ନାହିଁ। ମାତ୍ର ଏହାକୁ ଖାଲି ରଖନ୍ତୁ ନାହିଁ।
ମୟୂର ପୁଚ୍ଛ –
ଦୀପାବଳି ଦିନ ମୟୂର ପୁଚ୍ଛ ଆଣି ଏହାକୁ ଘରର କିମ୍ବା ଦୋକାନରେ ଦକ୍ଷିଣ-ପୂର୍ବ ଦିଗରେ ରଖନ୍ତୁ। ଏପରି କରିବା ଦ୍ୱାରା ଗୃହର ଆର୍ଥିକ ସମସ୍ୟା ଦୂର ହୋଇଥାଏ।
ମା’ଲକ୍ଷ୍ମୀ ଓ କୁବେରଙ୍କ ଫଟୋ –
ଦୀପାବଳି ଦିନ ଘରର ମୁଖ୍ୟ ଦ୍ୱାରରେ ମା’ଲକ୍ଷ୍ମୀ ଓ କୁବେରଙ୍କ ଏକ ଫଟୋ କିଣି ଲଗାନ୍ତୁ। ଏପରି କରିବା ଦ୍ୱାରା ଗୃହରେ ଆର୍ଥିକ କ୍ଷେତ୍ରରେ ବୃଦ୍ଧି ହୋଇଥାଏ।
ଦୀପାବଳିରେ ଆଣନ୍ତୁ ଏହି ଜିନିଷ; ସୁଖସମୃଦ୍ଧିରେ ପୂରି ଉଠିବ ଘର
Popular Categories
Previous article
Next article