କାମାକ୍ଷାନଗର: ଦୀପାବଳିରେ ବଡ଼ସୁଆଁଳ ଗାଁରେ ବାଣ ଦୋକାନରେ ବିସ୍ଫୋରଣ ଘଟଣାରେ ୩ ଜଣ ଗୁରୁତର ଆହତଙ୍କ ମଧ୍ୟରୁ ଜଣଙ୍କର ମୃତ୍ୟୁ ଘଟିଛି। ମୃତକ ହେଉଛନ୍ତି ପିତା ଦୁଷ୍ମନ୍ତ (୫୨)। ସୂଚନା ମୁତାବକ, ବଡ଼ସୁଆଳୋ ଗ୍ରାମରେ ଏକ ବାଣ ଦୋକାନରେ ସେହି ଗ୍ରାମର ଦୁଷ୍ମନ୍ତ ନାୟକ ଓ ତାଙ୍କ ୯ ବର୍ଷର ପୁଅ ପ୍ରତୀକ ବାଣ କିଣୁଥିଲେ। ସେହି ସମୟରେ ବାଣ ଦୋକାନରେ ବିସ୍ଫୋରଣ ଘଟିଥିଲା। ଫଳରେ ବାପ ପୁଅଙ୍କ ସହିତ ଦୋକାନକୁ ବାଣ କିଣିବାକୁ ଯାଇଥିବା ବିଷ ପାଳଙ୍କ ୧୧ ବର୍ଷର ଝିଅ ଅନୁଷ୍କା ଗୁରୁତର ଭାବେ ଆହତ ହୋଇଥିଲେ। ତୁରନ୍ତ ସେମାନଙ୍କୁ ଉପଖଣ୍ଡ ଡାକ୍ତରଖାନରେ ଭର୍ତ୍ତି କରାଯାଇଥିଲା। ସେମାନଙ୍କ ଅବସ୍ଥା ସଙ୍କଟାପନ୍ନ ହେବାରୁ ସମସ୍ତଙ୍କୁ କଟକ ସ୍ଥାନାନ୍ତର କରାଯାଇଥିଲା। ତେବେ କଟକ ଯିବା ବାଟରେ ଗୁରୁତର ଦୁଷ୍ମନ୍ତଙ୍କ ମୃତ୍ୟୁ ଘଟିଛି। ଏହି ଖବର ପ୍ରଚାରିତ ହେବା ପରେ ଗ୍ରାମରେ ଶୋକାକୁଳ ପରିବେଶ ସୃଷ୍ଟି ହୋଇଛି।
Comments are closed.