ରାଜନଗର: ରାଜନଗର ଥାନା ଅଞ୍ଚଳରେ କିଛି ମାସ ହେଲା ବିଭିନ୍ନ ସ୍ଥାନରେ ଚୋରି ହେବା ନେଇ ଅଭିଯୋଗ ହୋଇ ଆସୁଥିଲା । ଏକାଧିକ ସ୍କୁଲ, ଅଙ୍ଗନୱାଡି କେନ୍ଦ୍ରରେ ଏଲଇଡି ଟିଭି, ଗ୍ୟାସ ସିଲିଣ୍ଡର, ଚୁଲା, ଇନଭଟର ବ୍ୟାଟେରୀ ପ୍ରଭୃତି ଚୋରି ହୋଇଯାଇଥିବା ନେଇ ରାଜନଗର ଥାନାରେ ଅଭିଯୋଗ ହୋଇଥିଲା । ଏହି ଚୋରି ମାମଲାରେ ପୁଲିସକୁ ବଡ଼ ସଫଳତା ମିଳିଛି ।
ପୁଲିସ ଘଟଣାର ତଦନ୍ତ କରିବା ସହ ସ୍ଥାନୀୟ ୫ଜଣ ଯୁବକ ସଂଗ୍ରାମ ମଳିକ(ଚେଙ୍ଗୁଲ)-ପିତା-ଶରତ ମଳିକ, ତପନ ମଳିକ-ପିତା -ରାଧୁ, ଅଜୟ ମଳିକ(ଝୋଟ)-ପିତା-ଜଗବନ୍ଧୁ ମଳିକ, ମାନସ ମଳିକ(ହାଡୁ).ଏମାନଙ୍କ ବ୍ୟତୀତ ଏହି ଚୋରି ଜିନିଷକୁ କିଣା ବିକା କରିଥିବା ଅଭିଯୋଗରେ ଅଶୋକ ମହାରଣା ନାମରେ ମାମଲା ରୁଜୁ କରି କୋର୍ଟ ଚାଲାଣ କରିଛି ପୁଲିସ ।
ସେମାନଙ୍କ ଠାରୁ ନଗଦ ୨୦ହଜାର ଟଙ୍କା, ୭ଟି ଗ୍ୟାସ ସିଲିଣ୍ଡର, ଗୋଟିଏ ବାଇକ୍, ଗୋଟିଏ ମହିନ୍ଦ୍ରା ଡାଲା ଅଟୋ, ଗୋଟିଏ ପିଆଇଗୋ ଡାଲା ଅଟୋ, ଦୁଇଟି ଛୋଟ ପାଣି ପମ୍ପ, ୪ଟି ଏଲଇଡି ଟିଭି, ୪ଟି ଚେୟାର ଜବତ କରିଛି । ୫ଜଣ ଅଭିଯୁକ୍ତ ମାନଙ୍କୁ ରାଜନଗର ଜେଏମଏଫିସିଙ୍କ କୋର୍ଟରେ ହାଜର କରାଯାଇଥିଲା । ସେମାନଙ୍କ ଜାମିନ ନାମଞ୍ଜୁର ହେବାରୁ ସେମାନଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି । ଏହି ଚୋରି ଘଟଣାରେ ସଂପୃକ୍ତ ଦୁଇ ଜଣ ଅଭିଯୁକ୍ତ ଫେରାର ହୋଇଯାଇଛନ୍ତି ।
Comments are closed.