ଚୌଦ୍ୱାର : ଚୌଦ୍ୱାର ପୌରପାଳିକା ୧୭ନଂ ୱାର୍ଡରେ ଡେଙ୍ଗୁ ଓ ମ୍ୟାଲେରିଆ ସମ୍ପର୍କିତ ଏକ ସଚେତନତା କାର୍ଯ୍ୟକ୍ରମ ସୋମବାର ଅନୁଷ୍ଠିତ ହୋଇଯାଇଛି । ସ୍ଥାନୀୟ କାଉନସିଲର ଆଶୁତୋଷ ଦାସଙ୍କ ପରିଚାଳନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ପୌର ଉପାଧ୍ୟକ୍ଷ ଶୁଭନ୍ଦୁ ସାମଲ ଅତିଥି ଭାବେ ଯୋଗଦେଇ ବର୍ଷା ଋତୁରେ ବ୍ୟାପୁଥିବା ମ୍ୟାଲେରିଆ,ଡେଙ୍ଗୁ,ଡାଇରିଆ ଆଦି ରୋଗର ପ୍ରତିଷେଧକ ଓ ନିରାକରଣ ତଥା ନିଜ ନିଜର ପରିବେଶ ସଫା ରଖିବା ଉପରେ ଲୋକମାନଙ୍କୁ ସଚେତନ କରାଇଥିଲେ। ୱାର୍ଡ଼ର ୫ଟି ମହିଳା ଆରୋଗ୍ୟ ସମିତି ପକ୍ଷରୁ ଆୟୋଜିତ ସଚେତନତା ଶୋଭାଯାତ୍ରରେ ଆଶାକର୍ମୀ ରୀନା ବାଇ, ଅଙ୍ଗନବାଡି କର୍ମୀ ଲେପାମୁଦ୍ରା ମଲ୍ଲିକ, ଦୀପିକା ଭୁୟାଁ, ସ୍ୱର୍ଣ୍ଣଲତା ଦାସ, ପୁଷ୍ପଲତା ମନ୍ତ୍ରୀ, ଅପର୍ଣ୍ଣାରାଣୀ ବେହେରା, ସୁଶିଳା ପଟ୍ଟନାୟକ, ଅର୍ଚ୍ଚନା ବିଶ୍ୱାସ, ପୁଷ୍ପଲତା ରଉାତ, ଜାନକୀ ନାୟକ, ପ୍ରଭାତୀ ନାୟକ ପ୍ରମୁଖଙ୍କ ନେତୃତ୍ୱରେ ୱାର୍ଡ଼ର ବହୁ ସଂଖ୍ୟକ ମହିଳା ଅଂଶଗ୍ରହଣ କରି ଡେଙ୍ଗୁ ଓ ମ୍ୟାଲେରିଆ ନିରାକରଣ ଉପରେ ବିଭିନ୍ନ ସଚେତନତା ବାର୍ତ୍ତା ଦେଇଥିଲେ। ୱାର୍ଡ଼ ଅଫିସର ରଶ୍ମିରଞ୍ଜନ ଦାସ ଓ ବିଭୁ କଲ୍ୟାଣ ମହାନ୍ତି କାର୍ଯ୍ୟକ୍ରମ ପରିଚାଳନା କରିଥିଲେ। ଏହି ଅବସରରେ ଲୋକମାନଙ୍କୁ ଓଆରଏସ୍ ପୁଡ଼ିଆ ବଣ୍ଟନ କରାଯାଇଥିଲା।
Comments are closed.