ନୂଆଦିଲ୍ଲୀ : ରବିବାର ଦିନ ଦିଲ୍ଲୀରେ କରୋନା ସଂକ୍ରମିତ ସଂଖ୍ୟା ରେକର୍ଡ ଭାଙ୍ଗଛି। ଗତ ୨୪ ଘଣ୍ଟା ମଧ୍ୟରେ ୧୨୯୫ ଜଣ କରୋନା ସଂକ୍ରମତି ହୋଇଛନ୍ତି। ଏହା ହେଉଛି ଦିଲ୍ଲୀରେ ଗୋଟିଏ ଦିନରେ ରେକର୍ଡ ହୋଇଥିବା ସର୍ବାଧିକ ସଂକ୍ରମିତଙ୍କ ସଂଖ୍ୟା । ଏହାକୁ ମିଶାଇ ଦିଲ୍ଲୀରେ ସଂକ୍ରମିତଙ୍କ ସଂଖ୍ୟା ୧୯୮୪୪କୁ ବୃଦ୍ଧି ହୋଇଛି। ରବିବାର ଦିନ ଦିଲ୍ଲୀରେ ୪୧୬ ଜଣଙ୍କୁ ଡିସଚାର୍ଜ କରାଯାଇଛି। ବର୍ତ୍ତମାନ ସୁଦ୍ଧା ୮୪୭୮ ଲୋକ ସୁସ୍ଥ ହୋଇଛନ୍ତି।
କ୍ରମାଗତ ଭାବେ ଚତୁର୍ଥ ଦିନରେ ଦିଲ୍ଲୀରେ ଏକ ହଜାରରୁ ଅଧିକ ମାମଲା ସାମ୍ନାକୁ ଆସିଛି। ହେଲଥ ବୁଲେଟିନ୍ ଅନୁଯାୟୀ, ରବିବାର ଦିନ କରୋନା ଯୋଗୁଁ ୧୩ ଜଣଙ୍କର ମୃତ୍ୟୁ ଘଟିଛି। କରୋନାରେ ଏପର୍ଯ୍ୟନ୍ତ ଦିଲ୍ଲୀରେ ୪୭୩ ଜଣଙ୍କର ମୃତ୍ୟୁ ହୋଇଛି। ବର୍ତ୍ତମାନ ଦିଲ୍ଲୀରେ ୧୦୮୯୩ ମାମଲା ସକ୍ରିୟ ରହିଛି। ଗୋଟିଏ ଦିନରେ ଦିଲ୍ଲୀ ସରକାର ୨୦ଟି ନୂଆ ସ୍ଥାନକୁ କଣ୍ଟେନମେଣ୍ଟ ଜୋନ୍ ଭାବରେ ଘୋଷଣା କରି ୧୨୨ଟି ଅଞ୍ଚଳକୁ ସିଲ୍ କରିଛନ୍ତି।
