ଚୌଦ୍ୱାର : ବିଜେପିର କଟକ ସାଂସଦ ପ୍ରାର୍ଥୀ ଭର୍ତ୍ତୃହରି ମହତାବ ଚୌଦ୍ୱାର ଅଞ୍ଚଳରେ ଏକ ବିଶାଳ ରୋଡ଼ ଶୋ ମାଧ୍ୟମରେ ପ୍ରଚାର କରିଛନ୍ତି । ସାଂସଦ ପ୍ରାର୍ଥୀ ଶ୍ରୀ ମହତାବ ଓ ବିଧାୟକ ପ୍ରାର୍ଥୀ ନୟନ କିଶୋର ମହାନ୍ତି ଏକ ବିଶାଳ ମଟର ସାଇକେଲ ଶୋଭାଯାତ୍ରାରେ ଚୌଦ୍ୱାର ତଳ ବଜାର, ବଡ଼ବଜାର, ମଙ୍ଗଳାସାହି, ଓଟିଏମ୍ ବଜାର, ମୁଣ୍ଡମାଳ ଆଦି ସମେତ ପୌରପାଳିକାର ବିଭିନ୍ନ ୱାର୍ଡ଼ ପରିକ୍ରମା କରିବା ସହିତ ଆଗ୍ରାହାଟ, ନଖରା, ବାଣୀପଦା, ଇନ୍ଦ୍ରଣୀପାଟଣା ଆଦି ପଞ୍ଚାୟତର ବିଭିନ୍ନ ସହିବସ୍ତି ପରିକ୍ରମା କରିଥିଲେ।
ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀଙ୍କୁ ପୁନର୍ବାର ପ୍ରଧାନମନ୍ତ୍ରୀ କରିବା ସହିତ ବିକଶିତ ଭାରତ ଗଠନ ପାଇଁ ବିଜେପିକୁ ବିପୁଳ ସଂଖ୍ୟାରେ ଭୋଟ ଦେଇ ଜୟଯୁକ୍ତ କରିବା ପାଇଁ ଶ୍ରୀ ମହତାବ ଲୋକ ମାନଙ୍କୁ ନିବେଦନ କରିଥିଲେ । ମଣ୍ଡଳ ସଭାପତି ସନ୍ତୋଷ କୁମାର ସାହୁ, ଦଳର କଟକ ଜିଲା ଉପ ସଭାପତି ପ୍ରଶାନ୍ତ କୁମାର ହୋତା, ସମ୍ପାଦକ ବୈରାଗୀ ଚରଣ ପ୍ରଧାନ, ପ୍ରକାଶ ଚନ୍ଦ୍ର ବଡ଼ଜେନା,ମହିଳା ମୋର୍ଚ୍ଚା ସଭାନେତ୍ରୀ ମମତା ବେହେରାଙ୍କ ସମେତ ଦଳର ବହୁ ନେତା, କର୍ମୀ ଓ ସାଧାରଣ ଜନତା ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ।
