ସମ୍ବଲପୁର : ମାନାପୁରମ ଗୋଲ୍ଡଲୋନ୍ ଫାଇନାନ୍ସରୁ ଲୁଟ୍ ଘଟଣା। ପୁଲିସ୍ ଏହି ଘଟଣାରେ ଶାଖା ମୁଖ୍ୟ ଏବଂ ସହଯୋଗୀ ଶାଖା ମୁଖ୍ୟଙ୍କୁ ଅଟକ ରଖି ପଚରାଉଚରା କରୁଥିବା ସୂଚନା ମିଳିଛି। ଅଧିକ ତଦନ୍ତ ପାଇଁ ୪ ଥାନା ଅଧିକାରୀ ମଧ୍ୟ ଘଟଣାସ୍ଥଳରେ ପହଞ୍ଚିଛନ୍ତି। ଶୁକ୍ରବାର ସମ୍ବଲପୁର ଅଇଁଠାପାଲି ଥାନା ବୁଢାରଜା ଛକ ମାନାପୁରମ୍ ଗୋଲ୍ଡଲୋନ୍ ଫାଇନାନ୍ସରୁ ଲୁଟ୍ ହୋଇଥିଲା। ୬ ରୁ ୭ ଜଣ ମୁଖା ପିନ୍ଧା ଦୁର୍ବୁତ୍ତ ବନ୍ଧୁକ ଦେଖାଇ ଲୁଟ୍ କରିଥିଲେ। ୩୦ କେଜି ସୁନା ଅଳଙ୍କାର ସହ ନଗଦ ଟଙ୍କା ଲୁଟ୍ ନେଇ ଅଭିଯୋଗ ହୋଇଥିଲା। ସବୁଠାରୁ ବଡ଼ କଥା ହେଲା ଏତେ ବଡ଼ ଡକାୟତି ସତ୍ତ୍ବେ ବ୍ୟାଙ୍କର ସାଇରନ ବାଜି ନଥିଲା। ପ୍ରାୟ ୨୦ ମିନିଟ୍ ପରେ ଖବର ପାଇଁ ପୁଲିସ ଘଟଣାସ୍ଥଳକୁ ପହଞ୍ଚିଲା ବେଳକୁ ଡକାୟତ ଦଳ ସେମାନେ ଆସିଥିବା ବାଇକଗୁଡିକରେ ସେଠାରୁ ଚମ୍ପଟ ମାରି ସାରିଥିଲେ। ଜିଲାର ବିଭିନ୍ନ ପ୍ରବେଶପଥଗୁଡିକୁ ସିଲ୍ କରି ପୁଲିସ ସିସିଟିଭି ଆଧାରରେ ମଧ୍ୟ ତଦନ୍ତ ଚଳାଇଛି।
Popular Categories
Previous article
Next article