ପାଟନା – ବିହାର ଆରା ମୁଫାସ୍ସିଲ୍ ଥାନା ଅନ୍ତର୍ଗତ ଭେଲୁଡମରା ଗାଁରେ ଭଉଣୀକୁ ଖରାପ ବ୍ୟବହାର କରିଥିବା ଯୁବକକୁ ତାହାର ଭାଇ ହତ୍ୟା କରିଥିବା ଘଟଣା ସାମ୍ନାକୁ ଆସିଛି । ଏହି ଗାଁରେ ଜଣେ କଲେଜ ଛାତ୍ରୁ ରବିକୁମାରଙ୍କୁ କେହି ଗଳାକାଟି ହତ୍ୟା କରିଥିବା ଅଭିଯୋଗ ହୋଇଥିଲା । ପୁଲିସ ଘଟଣାର ତଦନ୍ତ କରିଥିଲା। ରବି କୁମାର ନାମକ ଯୁବକ ଜଣଙ୍କ ଜଣେ ଯୁବତୀଙ୍କ ସହ ଅଶ୍ଳୀଳ୍ଳ ଓ ଅସଦ୍ ବ୍ୟବହାର କରିଥିବା ତଦନ୍ତ ବେଳେ ଜଣା ପଡିଥିଲା । ପରେ ପୁଲିସ ସମ୍ପୃକ୍ତ ଯୁବତୀଙ୍କ ଭାଇ ଏବଂ ତାହାର ଜଣେ ସାଙ୍ଗକୁ ଗିରଫ କରିଛି ।
ଭଉଣୀକୁ ରବିକୁମାର ଅଶ୍ଳୀଳ ବ୍ୟବହାର କରୁଥିବା ଜାଣିବା ପରେ ସମ୍ପୃକ୍ତ ଯୁବତୀଙ୍କ ଭାଇ ଏବଂ ତାହାର ଦୁଇ ଜଣ ସାଙ୍ଗ ସମ୍ପୃକ୍ତ ଯୁବକକୁ ହତ୍ୟା କରିବା ପାଇଁ ଯୋଜନା କରିଥିଲେ । ଖରାପ ବ୍ୟବହାର କରିଥିବା ଯୁବକ ରବିକୁମାରକୁ ଏମାନେ ତାଗିଦ କରିଥିଲେ । ହେଲେ ସେ ମାନି ନଥିଲା । ପୁଣି ଖରାପ ବ୍ୟବହାର କରିବାରୁ ଯୁବତୀଙ୍କ ଭାଇ ଏବଂ ତାଙ୍କ ସାଙ୍ଗମାନେ ରବିକୁମାରକୁ ଡାକି ନେଇଥିଲେ । ଏହାପରେ ଏକ ଦାଆ ସାହାଯ୍ୟରେ ଗଳାକାଟି ହତ୍ୟା କରିଥିଲେ ।
ହତ୍ୟା ଘଟଣାରେ ପୁଲିସ ଦୁଇ ଜଣଙ୍କୁ ଗିରଫ କରିଥିବା ବେଳେ ଜଣେ ଫେରାର ହୋଇଯାଇଛି । ପୁଲିସ ଘଟଣାରେ ବ୍ୟବହୃତ ଦାଆ ଏବଂ ମୋବାଇଲ୍ ଫୋନ୍ ଜବତ କରିଛି । ଗିରଫ ହୋଇଥିବା ଯୁବକମାନେ ହତ୍ୟା ସମ୍ପର୍କରେ ମାନିଯାଇଛନ୍ତି । ତାଙ୍କ ଭଉଣୀ ସହ ଅଶ୍ଳୀଳ ବ୍ୟବହାର କରିବାରୁ ହତ୍ୟା କରିଥିବା କଥା ସେମାନେ ମାନିଥିବା ବିହାର ପୁଲିସ ପକ୍ଷରୁ ସୂଚନା ଦିଆଯାଇଛି ।
Comments are closed.