ବିହାରରେ ପ୍ରଧାନ ଶିକ୍ଷକ ଏପରି ଅବସ୍ଥାରେ ପହଞ୍ଚିଲେ ବିଦ୍ୟାଳୟ – ଗିରଫ କଲା ପୁଲିସ

ମୁଜାଫରନଗର- ବିହାରର ମୁଜାଫର ନଗରରେ ଜଣେ ପ୍ରଧାନଶିକ୍ଷକ ଅଶାଳୀନ ବ୍ୟବହାର କରି ଗିରଫ ହୋଇଛନ୍ତି । ଏକ ସରକାରୀ ବିଦ୍ୟାଳୟର ଶିକ୍ଷକ ସମସ୍ତ ସରକାରୀ ନିୟମକୁ ଅଣଦେଖା କରି ଲୁଙ୍ଗି ଏବଂ ଅଧା ଗଞ୍ଜି ପିନ୍ଧି ବିଦ୍ୟାଳୟରେ ପହଞ୍ଚିବା ସହ ଜଣେ ଶିକ୍ଷୟତ୍ରୀଙ୍କୁ ଅସଦାଚରଣ କରିଥିବା ଅଭିଯୋଗ ହୋଇଛି । ଏହା ଖବର ପାଇବା ପରେ ସ୍ଥାନୀୟ ଲୋକ ବିଦ୍ୟାଳୟରେ ପହଞ୍ଚିଥିଲେ । ସେମାନେ ସେଠାରେ ପ୍ରଧାନଶିକ୍ଷକଙ୍କୁ ଅଟକ ରଖିବା ସହ ପୁଲିସକୁ ଖବର ଦେଇଥିଲେ । ପ୍ରଧାନଶିକ୍ଷକ ନିଶାସକ୍ତ ଅବସ୍ଥାରେ ସେଠାରେ ପହଞ୍ଚିଥିବା ଗ୍ରାମବାସୀମାନେ ଅଭିଯୋଗ କରିଛନ୍ତି ।

ମୁଜାଫରନଗର ସକରାଥାନା ଅଞ୍ଚଳର ପହାଡପୁର ବିଦ୍ୟାଳୟର ପ୍ରଧାନଶିକ୍ଷକ ଉମେଶ ଠାକୁରଙ୍କୁ ପୁଲିସ ଗିରଫ କରିଥିଲା । ପ୍ରଧାନଶିକ୍ଷକ ବାରମ୍ବାର ଏପରି ବ୍ୟବହାର କରୁଥିବାରୁ ସେଠାରେ ପଢୁଥିବା କୋମଳମତି ଛାତ୍ରଛାତ୍ରୀଙ୍କ ଉପରେ ଏହାର ପ୍ରଭାବ ପଡୁଥିବା ଗ୍ରାମବାସୀମାନେ ଅଭିଯୋଗ କରିଛନ୍ତି ।