ଭୁବନେଶ୍ୱର: ଅର୍ଚ୍ଚନା ନାଗ ମାମଲାରେ ପ୍ରବର୍ତ୍ତନ ନିର୍ଦେଶାଳୟ ପକ୍ଷରୁ ଜୋରଦାର ତଦନ୍ତ ଆରମ୍ଭ କରାଯାଇଛି । ଇଡିର ସମନ ପରେ ପୁଣି ଥରେ ଇଡି ଅଫିସରେ ହାଜର ହୋଇଛନ୍ତି ପ୍ରଯୋଜକ ଅକ୍ଷୟ ପରିଜା । ଗତକାଲି ଅକ୍ଷୟଙ୍କୁ ଇଡି ଜେରା କରିଥିବା ବେଳେ, ଆଜି ଶ୍ରଦ୍ଧାଞ୍ଜଳି ଓ ଅକ୍ଷୟଙ୍କୁ ମୁହାଁମୁହିଁ ପଚରାଉଚରା କରିବ ପ୍ରବର୍ତ୍ତନ ନିର୍ଦେଶାଳୟ ।
ବ୍ଲାକମେଲିଂ ଓ ଟଙ୍କା କାରବାରକୁ ନେଇ ପଚରାଉଚରା କରିବ ଇଡି । ଅର୍ଚ୍ଚନାଙ୍କ ସହ ଉଭୟଙ୍କ ସମ୍ପର୍କକୁ ନେଇ ମଧ୍ୟ ଇଡି ପ୍ରଶ୍ନ କରିବ । କଳା ସାମ୍ରାଜ୍ୟର ଗୁମର ଖୋଲିବାକୁ ତଥ୍ୟ ଓଗାରିବ ପ୍ରବର୍ତ୍ତନ ନିର୍ଦେଶାଳୟ । ଅର୍ଚ୍ଚନାଙ୍କ ସହ କୋଟି କୋଟି ଟଙ୍କା କାରବାର । ଘଟଣାରେ କେଉଁ ମାନଙ୍କର ରହିଛି ସମ୍ପୃକ୍ତି ? ଏସବୁକୁ ନେଇ ଖୋଳତାଡ଼ କରିପାରେ ଇଡି ।
ଆଜି ସକାଳୁ ସକାଳୁ ଇଡି ଅଫିସରେ ଶ୍ରଦ୍ଧାଞ୍ଜଳି ବେହେରା ହାଜର ହୋଇଛନ୍ତି । ପ୍ରବର୍ତ୍ତନ ନିର୍ଦେଶାଳୟର ସମନ ପରେ ଶ୍ରଦ୍ଧାଞ୍ଜଳି ଇଡି କାର୍ଯ୍ୟାଳୟରେ ହାଜର ହୋଇଥିବା ଜଣାପଡ଼ିଛି । ଅର୍ଚ୍ଚନାଙ୍କ ସହ ଲିଂକକୁ ନେଇ ଶ୍ରଦ୍ଧାଞ୍ଜଳିଙ୍କୁ ପଚରାଉଚରା କରୁଛି ଇଡି । ତାହାସହ ଅର୍ଚ୍ଚନାଙ୍କ ପ୍ରସଙ୍ଗରେ ଅନେକ କଥାକୁ ନେଇ ମଧ୍ୟ ଇଡି ଖୋଳତାଡ କରିବ ।
