ନୂଆଦିଲ୍ଲୀ – ଚୋରି ପାଇଁ ଚୋର ଏବଂ ତସ୍କରୀ ପାଇଁ ତସ୍କର ବିଭିନ୍ନ ନୂଆ ରାସ୍ତା ବାଛି ଥାଆନ୍ତି । ବିଭିନ୍ନ ନୂଆ ଉପାୟରେ ନିଶାଦ୍ରବ୍ୟ, ସୁନା ଏବଂ ମୁଦ୍ର ଚୋରା ଚାଲାଣ ହେଉଥିବା କଥା ଆପଣ ଆଗରୁ ଜାଣିଥିବେ । ଚୋର ଚାଲାକ ହେବା ବଳେ ଏହାକୁ ଧରୁଥିବା ସୁରକ୍ଷା କର୍ମୀ ଏବଂ ବିଭିନ୍ନ ଗୁଇନ୍ଦା ସଂସ୍ଥା ତାଙ୍କୁ ଠାରୁ ଢେର ଚାଲାକ ହେବାକୁ ପଡେ । ଏହିପରି ନୂଆ ଢଙ୍ଗରେ ଭାରତକୁ ପାକିସ୍ତାନ ସୀମା ଦେଇ ହେରୋଇନ୍ ଚୋରା ଚାଲାଣ ବେଳେ ତାହା ଧରାପଡିଛି ।
ପଞ୍ଜାବର ଅଟାରୀ ସୀମା ଦ୍ୱାର ନିକଟରେ ଆଫଗାନ୍ ଝାଡୁର ମୁଠାରେ ଏହି ନିଶାଦ୍ରବ୍ୟକୁ ଚୋରା ଚାଲାଣ କରାଯାଉଥିଲା । ଏକ ଟ୍ରକରେ ୪ହଜାର ଝାଡୁ ଆସୁଥିବା ବେଳେ ୪୪୨ଟି ଝାଡୁର ମୁଠାରେ ହେରୋଇନ୍ ଚୋରାଚାଲାଣ କରାଯାଉଥିଲା ।
ସୀମା ଶୁଳ୍କ ବଭାଗ ପକ୍ଷରୁ ଏହି ଝାଡୁ ସହ ଗାଡିକୁ ଜବତ କରାଯାଇଛି । ଭାରତରେ ବିବାହ କରିଥିବା ଆଫଗାନ୍ର ଜଣେ ନାଗରିକ ଏହାକୁ ଚୋରା ଚାଲାଣ କରୁଥିବା ଜଣାପଡିଛି । ପୂର୍ବରୁ ସ୍ୱାମୀ ସ୍ତ୍ରୀ ନିଶା ଚୋରା ଚାଲାଣ ମାମଲାରେ ଗିରଫ ହୋଇ ଜାମିନ୍ରେ ମୁକୁଳିଥିଲେ । ପୁଣି ସେମାନେ ଏବେ ସେହି ନିଶା ଚୋରା ଚାଲାଣ ମାମଲାରେ ଗିରଫ ହୋଇଛନ୍ତି ।
Comments are closed.