ଆଠଗଡ : ଓଡିଶା ପ୍ରଶାସନିକ ସେବାର ପରୀକ୍ଷା ଫଳ ସୋମବାର ପ୍ରକାଶ ପାଇଛି। ଆଠଗଡ ବ୍ଲକ ବଡଭୁଇଁ ପଞ୍ଚାୟତ ଜାଗିଆପଡା ଗ୍ରାମର ସୌମ୍ୟ ରଞ୍ଜନ ସାହୁ(୨୬) ୨୬୧ ନମ୍ବର ରାଙ୍କରେ ରହି ସଫଳତା ହାସଲ କରିଛନ୍ତି। ତାଙ୍କର ପିତା ପ୍ରସନ୍ନ କୁମାର ସାହୁ ତିଗିରିଆ ବ୍ଲକ ଅନ୍ତର୍ଗତ ଖଣ୍ତହତା ପ୍ରାଥମିକ ବିଦ୍ୟାଳୟର ସହକାରୀ ଶିକ୍ଷକ, ମାତା ସସ୍ମିତା ସାହୁ ଜଣେ ଗୃହିଣୀ। ସୌମ୍ୟ ଗ୍ରାମର ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ରରୁ ମାଟ୍ରିକ ପାସ କରିବା ପରେ ଓୟୁଏଟିରୁ ସ୍ନାତକୋତ୍ତର ପାସ କରି ପ୍ରଶାସନିକ ସେବା ଅଧିକାରୀ ପରୀକ୍ଷା ଲାଗି ପ୍ରସ୍ତୁତି କରୁଥିଲେ । କୌଣସି କୋଚିଂ ବିନା ଦ୍ବିତୀୟ ଥରରେ ଏହି ସଫଳତା ହାସଲ କରିଛନ୍ତି। ତାଙ୍କର ଏହି ସଫଳତା ପାଇଁ ତାଙ୍କର ପିତାମାତା ଓ ଗୁରୁଜନଙ୍କୁ ନିଜର ଶ୍ରେୟ ପ୍ରଦାନ କରିଛନ୍ତି। ଭବିଷ୍ୟତରେ ଜଣେ ଦକ୍ଷ ପ୍ରଶାସନିକ ଅଧିକାରୀ ଭାବେ ଲୋକଙ୍କ ସେବାକୁ ପ୍ରାଥମିକତା ଦେବି ବୋଲି ସୌମ୍ୟରଞ୍ଜନ ତାଙ୍କ ପ୍ରତିକ୍ରିୟାରେ କହିଛନ୍ତି।
Comments are closed.