ଗେଙ୍ଗଟକ: ବିଶିଷ୍ଟ ସଂଙ୍ଗୀତ ନିର୍ଦେଶକ ଏଆର ରେହେମାନ ସିକିମର ରାଷ୍ଟ୍ରଦୂତ ଭାବେ ମନୋନୀତ ହୋଇଛନ୍ତି। ରାଜ୍ୟର ବିକାଶ, ପ୍ରାକୃତିକ ନିଦର୍ଶନ, ପର୍ଯ୍ୟଟନ ଓ ସରକାରୀ ଯୋଜନାକୁ ରାଜ୍ୟ ତଥା ଦେଶ ଓ ବିଶ୍ୱରେ ପ୍ରଚାର ଦାୟିତ୍ୱ ତୁଲାଇବେ ରହମାନ। ରାଜ୍ୟର ପ୍ରମୁଖ ଶାସନ ସଚିବ ଏ କେ ଶ୍ରୀବାସ୍ତବଙ୍କ ଦ୍ୱାରା ଜାରି ଏକ ବିଜ୍ଞପ୍ତିରେ ଏ ସମ୍ପର୍କରେ ସୂଚନା ମିଳିଛି। ସିକିମର ସ୍ୱତନ୍ତ୍ର ସୌନ୍ଦର୍ଯ୍ୟ ରହିଛି। କିଛି ବର୍ଷ ମଧ୍ୟରେ ସିକିମର ପର୍ଯ୍ୟଟନ ବ୍ୟାପକ ବିକାଶ ମଧ୍ୟ ହୋଇଛି। ସେହିପରି ଜୈବ କୃଷିରେ ରାଜ୍ୟକୁ ଉଲ୍ଲେଖନୀୟ ସଫଳତା ମିଳିଛି। ଏଭଳି କ୍ଷେତ୍ରରେ ରାଜ୍ୟକୁ ପର୍ଯ୍ୟଟକ ଓ ଶିଳ୍ପକୁ ଆମନ୍ତ୍ରଣ କରିବା ନିମନ୍ତେ ରେହେମାନଙ୍କୁ ସରକାରୀ ଭାବରେ ରାଷ୍ଟ୍ରଦୂତ ମନୋନୀତ କରାଯାଇଛି।
