ମୁମ୍ବଇ : ବିଶିଷ୍ଟ ଉଦ୍ୟୋଗପତି ମୁକେଶ ଅମ୍ବାନିଙ୍କ ପୁଅ ଆକାଶ ଅମ୍ବାନି(୨୭) ଏବଂ ଶ୍ଲୋକା ମେହତା (୨୮)ଙ୍କ ଶନିବାର ନିର୍ବନ୍ଧ ଉତ୍ସବ ଅନୁଷ୍ଠିତ ହୋଇଯାଇଛି। ଏହି ନିର୍ବନ୍ଧ ଉତ୍ସବରେ କେନ୍ଦ୍ର ମନ୍ତ୍ରୀ ରବିଶଙ୍କର ପ୍ରସାଦ, ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ପଡ଼ନାଭିସ୍, ଉଦ୍ୟୋଗପତି ରତନ ଟାଟା, ଏନ୍ସିପି ଅଧ୍ୟକ୍ଷ ଶରଦ ପାୱାର, କ୍ରିକେଟ ତାରକା ସଚିନ୍ ତେନ୍ଦୁଲକର ଏବଂ ପତ୍ନୀ ଅଞ୍ଜଳିଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଯୋଗ ଦେଇଥିଲେ। ଏହା ପୂର୍ବରୁ ଜୁନ୍ ୨୮ରେ ଆକାଶ ଏବଂ ଶ୍ଲୋକାଙ୍କ ପ୍ରାକ୍ବିବାହ ଉତ୍ସବ ଏବଂ ୨୪ ମାର୍ଚ୍ଚରେ ଗୋଆରେ ପ୍ରସ୍ତାବ ଉତ୍ସବ ରଖାଯାଇଥିଲା। ଶନିବାର ଅନୁଷ୍ଠିତ ନିର୍ବନ୍ଧ ଉତ୍ସବରେ ବଲିଉଡ଼ ଅଭିନେତା ରଣବୀର କପୁର, ମା’ ନୀତୁ, ଚଳଚ୍ଚିତ୍ର ନିର୍ମାତା ଏବଂ ନିର୍ଦେଶକ କରଣ ଜୋହର, ଅଭିନେତ୍ରୀ କାଜୋଲ, ରେଖା, ଅଭିନେତା ଅମୀର ଖାନ, କିରଣ ରାଓ ଏବଂ ଚଳଚ୍ଚିତ୍ର ନିର୍ମାତା ରାଜକୁମାର ହିରାନି ସାମିଲ ହୋଇଥିଲେ। ରିଲାଏନ୍ସ ଇଣ୍ଡଷ୍ଟ୍ରିଜ୍ ମୁଖ୍ୟ ମୁକେଶ ଅମ୍ବାନୀଙ୍କ ବଡ଼ ପୁଅ ଆକାଶ ଏବଂ ହୀରା ବ୍ୟବସାୟୀ ରସେଲ ମେହଟାଙ୍କ କନିଷ୍ଠ କନ୍ୟା ଶ୍ଲୋକା ବିବାହ କରିବେ। ଏହା ପୂର୍ବରୁ ଦୁଇ ପରିବାର ବିଭିନ୍ନ ଉତ୍ସବରେ ଏକାଠି ହୋଇ ଖୁସୀ ବାଣ୍ଟୁଛନ୍ତି।
