ହରଭଙ୍ଗା : ହରଭଙ୍ଗା ବ୍ଲକ ବିର୍ସାମୁଣ୍ଡା ଆଦିବାସୀ ମହାସଂଘ ପକ୍ଷରୁ ଚାରିଛକ ଠାରେ ବିଶ୍ୱ ଆଦିବାସୀ ଦିବସ ପାଳିତ ହୋଇଯାଇଛି । ହରଭଙ୍ଗା ବ୍ଲକ ଆଦିବାସୀ ମହାସଂଘ ଉପଦେଷ୍ଟା ଶୁଶୀଲ ଦେହୁରୀଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବାଣୀଭୁଷଣପୁର ସରପଂଚ ଶ୍ରୀବନ୍ତ ମେହେର, ସମ୍ମାନୀତ ଅତିଥି ଭାବେ କିସ୍ ବୌଦ୍ଧ କୋଅଡିନେଟର ଲକ୍ଷ୍ମୀଧର ବେହେରା ଯୋଗଦାନ କରିଥିଲେ। ଏହି ଅବସରରେ ଆଦିବାସୀମାନେ ପାରମ୍ପାରିକ ଅସ୍ତ୍ରଶସ୍ତ୍ର ସହିତ ବାଦ୍ୟ, ଢୋଲ, ନିଶାନ, ଚାଙ୍ଗୁ ସହ ତହସିଲ କାର୍ଯ୍ୟାଳୟ ଠାରୁ ଏକ ଶୋଭାଯାତ୍ରାରେ ବାହାରି ବଜାର ପରିକ୍ରମା କରିବା ସହ ଆଦିବାସୀ ସଂଘ କାର୍ଯ୍ୟଳୟ ପର୍ଯ୍ୟନ୍ତ ଆସିଥିଲେ । ସେଠାରେ ବିର୍ସାମୁଣ୍ଡା ଆଦିବାସୀ ମହାସଂଘ ସଭାପତି କନିଷ୍ଟ ମଲ୍ଲିକଙ୍କ ସଭାପତିତ୍ୱରେ ଏକ ବୈଠକ ଅନୁଷ୍ଠିତ ହୋଇଥିଲା । ଆଦିବାସୀ ଦିବସର ମାହାତ୍ମ୍ୟ ଉପରେ ଉପସ୍ଥିତ କର୍ମକର୍ତ୍ତା ଆଲୋକପାତ କରିଥିଲେ। ଏହି କାର୍ଯକ୍ରମରେ ଜନକ ପାତ୍ର, କର୍ଣ୍ଣ ପ୍ରଧାନ, ଶୁଶୀଲ ଦେହୁରୀ, ଶୁଶାନ୍ତ ପ୍ରଧାନ, ବାଳୀ ନାୟକ, ଭକ୍ତ ଜାନୀଙ୍କ ସହ ବ୍ଲକର ୧୧ ଗୋଟି ମଂଚର ସଭାପତି ଓ ସମ୍ପାଦକ ଯୋଗ ଦେଇଥିଲେ ।
Comments are closed.