ଭୁବନେଶ୍ୱର : ଓଡ଼ିଶାରେ ବାତ୍ୟା ‘ଫନି’ର ତାଣ୍ଡବରେ ରାଜ୍ୟବାସୀଙ୍କ ଜୀବନକୁ ଅନ୍ଧକାର କରିବା ସହ ପର୍ଯ୍ୟଟନକୁ ୨୦ରୁ ୨୫ ବର୍ଷ ତଳକୁ ନେଇଯାଇଛି। ଏହାର ପୁର୍ନଉଦ୍ଧାର କରିବା ପାଇଁ ବିଶ୍ୱସ୍ତରରେ ସମବେଦନା ଆସୁଥିବା ଦେଖିବାକୁ ମିଳିଛି। ଏହି ତାଲିକାରେ ଫ୍ରାନ୍ସର ଏକ ଓଡ଼ିଶୀ ନୃତ୍ୟ ଶିଳ୍ପୀ ‘ମହିନା ଖାନୁମ’ ସାମାଜିକ ଗଣମାଧ୍ୟମରେ ଏକ ଭିଡିଓ ସେୟାର କରିଛନ୍ତି। ସେ ଏହି ଭିଡିଓରେ କହିଛନ୍ତି, ‘ଓଡ଼ିଶାର ଫନି ବାତ୍ୟା ପୀଡିତଙ୍କ ସୁଖଦ ସ୍ୱାସ୍ଥ୍ୟ କାମନା କରୁଛି। ରାଜ୍ୟ ସରକାରଙ୍କ ରିଲିଫ ପାଣ୍ଠିକୁ ସହାୟତା କରିବା ସହ ଅନ୍ୟମାନଙ୍କୁ ଏ ବିଷୟରେ ଜାଗୃତ କରିବା ଦରକାର’ ବୋଲି ସେ କହିଛନ୍ତି। ଏହି ଭିଡିଓରେ ମହିନାଙ୍କ ସମେତ ଅନ୍ୟ ବିଦେଶୀ ଓଡ଼ିଶୀ ନୃତ୍ୟଶିଳ୍ପୀଙ୍କୁ ମଧ୍ୟ ଦେଖିବାକୁ ମିଳିଛି। ସମସ୍ତ ନୃତ୍ୟଶିଳ୍ପୀ ଶେଷରେ ସମସ୍ତେ ‘ବନ୍ଦେ ଉତ୍କଳ ଜନନୀ’ କହୁଛନ୍ତି।
Comments are closed.