କାବୁଲ : ଆଫଗାନିସ୍ତାନର ତାଲିବାନ ଆତଙ୍କବାଦୀ ପ୍ରବଣ କୁନ୍ଦୁଜରେ ଆମେରିକାର ବିମାନ ଆକ୍ରମଣରେ ଅନ୍ୟୁନ୍ ୧୦ ଶିଶୁଙ୍କ ମୃତ୍ୟୁ ଘଟିଛି। ଶନିବାର ଦିନ ଆମେରିକା ଓ ଆଫଗାନିସ୍ତାନର ମିଳିତ ସେନା ପକ୍ଷରୁ ଏହି ଆକ୍ରମଣ କରାଯାଇଥିଲା। ମଙ୍ଗଳବାର ଜାତିସଂଘ ଏହି ସୂଚନା ପ୍ରଦାନ କରିଛି। ମିଳିତ ଜାତିଂସଘ ପକ୍ଷରୁ ଆଫଗାନିସ୍ତାନରେ କାର୍ଯ୍ୟ କରୁଥିବା ଉନାମା କର୍ମୀ କହିଛନ୍ତି ଯେ ଦେଶର ଅନ୍ୟସ୍ଥାନରୁ ବାସ ହରାଇ କୁନ୍ଦୁଜର ଦେଲାୱକାରେ ଆଶ୍ରୟ ନେଇଥିବା ଏକ ପରିବାର ଉପରେ ବିମାନରୁ ଆକ୍ରମଣ କରାଯାଇଥିଲା। ଏଥିରେ ୧୩ ଜଣ ସାଧାରଣ ଲୋକଙ୍କ ମୃତ୍ୟୁ ଘଟିଥିଲା ଓ ସେଥି ମଧ୍ୟରେ ୧୦ ଜଣ ଶିଶୁ ଥିଲେ।
